کوپلب اسرائیل عسکری اولدیریلدی و یره لندی

اسرائیل نینگ اشغالی آستیده گی غربی نوارده کیم ایکن لیگی معلوم بولمه گن بیر کیشی 2 اسرائیل عسکری نی آتیب اولدیررایکن, ایککی عسکر نی ایسه یره له دی. 

اسرائیل نشراتی اورگانلری, غربی نوارده گی ناقانونی اوفرا یهودی مسکونی نقطه سی یقینیده موتریدن توشگن بیر کیشی نینگ یولده کوتیب تورگن کیشی لر گه قره ته اوق اوزگن لیگی نی بیلدیردی. 

اوشبو حادثه عاقبتیده ایککی اسرائیل عسکری نینگ جان بیرگن لیگی و 2 اسرائیل حربی سی نینگ ایسه آغیر یره لنگن لیگی معلوم قیلیندی. 

هجومچی نینگ حادثه محللیدن قاچگن لیگی بیلدیریلدی. 

حادثه عاقبتیده ایککی کیشی نینگ جان بیرگن لیگی حاضرچه رسمی مقام لر تامانیدن تصدیقلنمه گن. 

غربی نوارده گی اوفرا یهودی مسکونی منطقه سی یقینیده دسامبر آیی نینگ 9 نچی کونیده بیکتده کوتیب تورگن کیشی لر گه قره ته بیر موتر دن اوق اوزیلیشی عاقبتیده 6 اسرائیل لیک یره لنگن ایدی. 

اسرائیل حربی لری, یکشنبه کونی اوفراده اویوشتیریلگن اوشبو هجوم نینگ مسئولی ایکن لیگی ادعا قیلینگن 29 یاشلی فلسطین لیک عمر صالح البرغوثی نی,  توناوکون کیچه رام الله شهری یقینیده گی بیر اوی گه باسیب کیریب اولدیرگن ایدی.