ایران نینگ سوریه گه قره ته هجوملری دوام ایته دی

ایران قوراللی کوچلر قومندانی جنرال محمد باقری، "اوتگن کونی کیچه، سوریه نینگ دایرالزور منطقه سیگه راکت آتیشلری نینگ " دوام ایته جگینی ایتدی.

 محمد باقری، سوریه نینگ دایرالزور ولایتی البو کمال تومنی گه قره ته راکت آتیشلری بیلن تیگیشلی؛

"بو باشلنغیچ دیر دوام ایته دی" دیدی.

باقری، پایتخت تهرانده قتنشگن بیر پروگرامده انقلابی محافظلر اردوسی تامانیدن البو کمال تومنی گه راکت آتیشلری بیلن تیگیشلی گپیردی.

ایران نینگ اهواز شهریده اویوشتیریلگن هجوم نینگ آرتیدن سونگی بیر هفته ده "مناسب جواب" اوچون تورلی آدیملر آتگن لیکلرینی معلوم قیلگن باقری جنابلری، استخباراتی فعالیتلر نتیجه سیده هجومچیلرنینگ ایران مخالفی بیر گروپ بیلن ارتباطلری بولگن حالده داعش تامانیدن دایرالزوردن باشقریلگن لیکلرینی تثبیت ایتگن لیکلرینی قید ایتدی.

راکت آتیشلرینی موفقیت لیک بیلن عملگه آشیرگن لیکلرینی و داعش نینگ انچه قومندانلرینی اولگن لیگینی ایتگن باقری؛

"بو بیر باشلنغیچ دوام ایته دی. ترورچیلر ایران نینگ انتقام آله جگینی بیلیشلری کیره ک" دیب افاده ایتدی.

ایران نینگ اوچووسیز هوا واسطه لری نینگ هم بیر – ایککی مملکتنی اوتیب هدفنی نشان آلگن لیگینی معلوم قیلیب، راکتلرنینگ امریکا قوشمه ایالتلری نینگ حاکمیتیده گی داعش منطقه لرینی آماج قرار بیرگن لیگینی بیلدیردی.

باقری جنابلری داعش بیلن بیرگه لیکده مذکور هجومنی ریجه له گن ایران مخالفی گروپ نینگ رهبرلری نینگ اروپا اولکه لریده ایکن لیگینی ایتدی.

ایران انقلابی محافظلری تامانیدن بیریلگن بیاناتده، اوتگن کونی کیچه سوریه نینگ دایرالزور ولایتی نینگ البو کمال تومنی گه اورته مصافه لی 6 بالستیک راکت آتیلگن لیگی و آرتیدن 7 ایها هجومی آلیب باریلگن لیگی بیلدیریلگن ایدی.

محلی وقت بیلن ساعت 02:00 ده ایران نینگ غرب تامانیده جایلشگن کرمانشاه شهریدن اوریلگن بالستیک راکتلرنینگ 750 کیلومتر مصافه لی "زلفقار" و 800 کیلومتر مصافه لی "قیام" راکت لریدن عبارت دیر.

ایران نینگ جنوب – غرب تامانیده جایلشگن خوزستان ایالتی نینگ اهواز شهریده 22 – سپتامبر کونی ایران – عراق حربی نینگ 38 – ییل لیگی مناسبتی بیلن اویوشتیریلگن عسکری مراسمده ترورچیلیک هجومیده 25 کیشی اولیب 69 کیشی یره لنگن ایدی. 

اوشبو هجومنی ترور تشکیلاتی داعش نینگ اوز بوینی گه آلگن لیگی ایتیلگن ایدی.