کُردلر اسلام نینگ نیمه سی بوله دی؟

ابراهام لینکولن, "همه نی بعضاً, اَیریم لر نی دایم, لیکن همه نی هردایم الده تیش ممکن ایمس" دیماقده.  انسانلر نی الده تیب قیسقه بیر مدت بیلن هدف نی قولگه کیریتیش ممکن.  لیکن نتیجه ده حقیقت برملا بولیب قاله دی. 

غرب میدیاسی ترور تشکیلاتی پی کاکا/پی وای دی نی, "ایرکین لیک کوره شچی لری" کبی کورسه تیش گه انتیلماقده.  اولر نینگ فکریچه اوشبو ترور تشکیلاتی نینگ کرد لرنینگ همه سیدن نماینده لیک ایتیاتگن لیگی سببلی  اونی حمایت قیلیش کرد لرنی حمایه لش و اونگه مخالفت ایسه کرد لر گه مخالفت معنی سی گه کیلماقده.  شونده ی قیلیب تورکیه نینگ عفرین عملیاتی هم, کرد لر گه قرشی اویوشتیریلگن بیر عملیات کبی کورسه تیلماقده.  افسوس که ایریم پیتلرده بونده ی ادبیات دن الجزیره کبی تلویزیون لرهم فایده لنماقده.

کُردلرنی یوق ایتیاتگن کرد ترور تشکیلاتلری

حقیقت شونده که ترور تشکیلاتی پی کا کا اینگ کوپ کرد لر گه یامانلیک قیلگن و حاضرگی کونده هم اوشبو ایش نی قیلماقده. تورکیه ده پی کا کا ترورچی لری تامانیدن اولدیریلگن 40 مینگدن آرتیق کیشی نینگ کوپچیلیگی کرد لردن عبارت.  پی کا کا, مارکسیست/لنینیست آیدیولوژی سی و ترورچیلیک فعالیتلری نی قبول قیلمه گن کرد لر نی یوق ایتگن وضعیتده.  شوباعث میلیونلب کیشی تورکیه نینگ شرقی و جنوبشرقی منطقه لریدن اوشبو اولکه نینگ غربی ولایت لری و اینیقسه استانبول گه کوچ قیلدی. پی کا کا ترورچیلریدن قاچگن کرد لرنینگ عراق و سوریه ده گی کرد منطقه لریگه ایمس, بلکه کوپچیلیگی تورک لر دن عبارت تورکیه نینگ ایچ قسم لریگه کوچ ایتگن لیک لری جوده معنی لی بیر موضوع نی تشکیل ایتماقده. 

حاضرگی کونده ترور تشکیلاتی پی کا کا نینگ سوریه ده گی بولیمیدن عبارت بولگن پی وای دی هم کرد لر گه ظلم قیلماقده.  امریکا قوشمه ایالتلری نینگ حمایه سی بیلن, تورکیه چیگره سیده آقدینگیز گه قدر ترورچیلیک فعالیت لری اوچون بیر دهلیز تشکیل ایتیش نی آرزو ایتیاتگن پی وای دی, اوتمیشده پی کا کا نینگ قیلگن لیگی دیک, اولر نی حمایت قیلمیاتگن کرد لر, عرب لر و تورکمن لر نی منطقه دن هیده ماقده.  شوباعث, یوز مینگلب کرد نینگ باش پنه سوره ب تورکیه گه کیلگن لیگی کورینماقده.  ترور تشکیلاتی داعش دن قاچگن کیشی لر بیلن بیرگه میلیونلب کیشی باش پنه سوره ب تورکیه گه کیلرایکن, حاضرگی کونده اوشبو ییرده یشه ماقده.

کرد لر اورته سیده اوشبو ترور تشکیلاتی نی حمایه لیتگن کیشی لر هم موجود البته که.  بیراق, اوشبو وضعیت گه قره ب ترور تشکیلاتی پی کا کا نی کرد لرنینگ نماینده سی اوله راق قبول قیلیش, هیتلر نی برچه آلمانلیک لر و موسولینی نی همه ایتالیالیک لرنینگ نماینده سی صفتیده قبول ایتیش گه اوخشه ماقده. 

"کرد لرنینگ هم ملی بیر دولتی نینگ بولیشی ممکن ایمس می"؟  

غرب میدیاسیده تیز- تیز مطرح بولیب تورگن اوشبو سئوال معلوم مقیاسده کرد کوچلر تامانیدن هم بحث موضوعی قیلینماقده.  بیراق, بونده ی بیر سئوال نی مطرح قیلیاتگن تامان لر نینگ, "نیمه اوچون 50 ایالت/دولت دن تشکیل تاپگن امریکا قوشمه ایالتلریده گی فرقلی ایرق لر نینگ فرقلی بیر دولتی یوق؟", "اورته شرقده گی برچه ایریلیقچی حرکت لرنی حمایه لیاتگن غربی اولکه لر نیمه اوچون کاتالونیا نینگ مستقل لیک حرکت لری نی حمایت قیلمیدی؟", و "هیچ قنده ی بیر ترورچیلیک فعالیتی گه اشتراک ایتمه گن حالده آلمان نیمه اوچون کاتالونیا مستقل لیک حرکتی رهبری نی اوشله دی؟" شکلیده گی سئوال لر نی هم بحث موضوعی قیلیشلری کیره ک.

اساسی موضوع هر ملت نینگ بیر دولت دن عبارت بولیشی ایمس, بلکه "بول و باشقر" سیاستیدن عبارت. ادموند بورک نینگ حقلی اوله راق فرانسه انقلابی نی تنقید ایترایکن ایتگن لیگی دیک, یاروغلیک اصطلاح لری نینگ نیمه فایده سی بولگن لیگی اساسی موضوع نی تشکیل ایتماقده. 

مسئله نینگ هر ملت, حتی خان لیک/امیرلیک و شهر نینگ بیر دولت ایگه سی بولیشی تقدیرده, اوشبو وضعیت آلدین جغرافیه میزده نیچه مراتبه تجربه قیلینگن.  صلیبیون نینگ حمله لری جریانیده اورته شرقده, کوپلب خانلیک, امیرلیک و شهر دولت لری موجود ایدی. عینی دمده انادولوده هم تورک خانلیک لری بار ایدی.  تورک لر, کرد لر و عرب لر اوز ایچلریده بیر نیچه پارچه گه بولینیب قالگن ایدی.  خوب نتیجه ده نیمه بولدی؟ بولینیب قالگن لیک لری اوچون تقریباً اشغال ایتیلمه گن بیر اسلام جغرافیه سی قالمه دی.  بولینیش نینگ باشله نیشی تقدیرده, قچان توختیدیگن لیگی معلوم بولمَیدی.  بولینیش نینگ قچان توخته یدیگن لیگی بولووچی لرنینگ اراده سی گه باغلیق بوله دی خلاص.  یوز ییل آلدین, کوپچیلیگی نینگ حمایه لنگن لیگی گه قره مسدن, ینه غرب نینگ تاثیری آستیده عرب لرنینگ بیر قسمی بونگه اوخشش بیر یولنی تعقیب ایتدی.  حاضرگی کونده 23 عرب دولتی موجود.  عراق, سوریه و ایریم کورفز مونارشی لری نینگ ینه ده کیچیک پارچه لر گه بولینیشی بوییچه پلان لر باره سیده بحث ایتیلماقده. شونده ی قیلیب حاضرگی کونده اورته شرق خلق لری اینگ ضعیف وضعیتده.

اوشبو حقیقت لر گه بناًء کرد لر داخل, اورته شرق خلق لری نینگ بولینیش اورنیگه بیر بیر لری بیلن متحد بولیش لری کیره ک. 

سیکیولار کرد لر یخشی کرد لر می؟

غرب میدیاسی ترور تشکیلاتی پی کا کا نینگ سیکیولار ایکن لیگی سببلی حمایت ایتیلیشی کیره ک ایکن لیگی نی ادعا قیلماقده.  اسلام بیلن تروریزم ارتباطلنتیریلرایکن, سیکیولارلشتیریلگن کرد لر قوتقریلگن دیک کورسه تیلماقده.  سیکیولار لیک بیر چاره دیک تقدیم ایتیلماقده. آلدین بشریت نینگ هیچ کورمه گن اولیم و ظلم میزانی نینگ اینگ کوپ کورینگن بیرینچی و ایککینچی دنیا اوروشی نینگ سیکیولار اولکه لر یاکه آیدیوژی لر اورته سیده بولگن لیگی سببلی اوشبو وضعیت بیر سناریو و الداقچیلیک دن عبارت خلاص. قیسقه قیلیب ایتگنده امپریالیزم نینگ آیدیولوژی سی بولمیدی.  شوباعث, غرب سیکیولار ایکن لیگی اوچون ایمس بلکه, اوز لری تامانیدن استفاده ایتیلیشی آسان بولگن لیگی اوچون ترور تشکیلاتی پی کا کا نی بغری گه باسماقده.  عینی دمده اوز فرهنگی و دینی ارزش لری نی قولدن بیریب قویگن تشکیلات لر سیکیولار بولیشی یاکه بولمس لیگی گه قره مسدن, امپریالست اولکه لرنینگ حمایه سی آستیده بولیش گه مجبور.

نیمه اوچون بونده ی الداقچیلیک لر قیلینماقده؟

"عبرت آلینمس لیگی تقدیرده تاریخ تکرار بوله دی" دیگن بیر سوز بار.  بوگون ایرته نینگ و ایرته ایسه بوگون نینگ آئینه سیدن عبارت.  تاریخ صفحه لری نی ورقلب کورگنده, اورته شرق نینگ اوچ عنصریدن عبارت تورک لر, عرب و کرد لرنینگ بیرله شیشی تقدیرده, اوشبو جغرافیه نینگ تینچ بیر حیات گه ایگه بولیب خلق ارا بیر کوچ گه ایلنگن لیگی کورینماقده. بیر بیر لریدن اجره لیب قالیش لری تقدیرده ایسه, خلق ارا شر مرکز لری نینگ اوینچاغی گه ایله نیب قالگن لیک لری کوزگه تشلنماقده.  عرب لر, کرد لر و تورک لرنینگ بیر یقه دن چیقاریشی نتیجه سیده صلیبیون نینگ اوشبو جغرافیه گه قره تیلگن هجوم لری توخته تیله آلگن.  اوشبو اتحاد بیلن, اشغال آستیده گی بیت المقدس, کرد قوماندان صلاح الدین ایوبی تامانیدن قوتقریلیب منطقه ده برقرار لیک اورنه تیلگن.  ایندی ایسه غربده گی ایریم مرکز لر آلدین قیلگن ایش لری نی ینه بیر بار تجربه قیلیش گه حرکت ایتماقده.  شونده ی قیلیب عصر لر دوامیده بیر یقه دن باش چیقارگن اورته شرق جغرافیه سی نینگ اوچ عنصری دن بیری نی باشقه لریدن اجره تیش گه انتیلماقده اوشبو مرکز لر. اوشبو دایره ده کرد لر امپریالست هدف لرنینگ مرکزی گه ایله نیب قالماقده.  صلیبیون هجوم لری جریانیده اوشبو رول نی اوینه گن عنصرلر مسیحی لر و ارمنی لر نینگ بیر بولیمیدن عبارت ایدی. ایندی ایسه اسرائیل منطقه نی برقرارسیزلشتیریش اوچون بونگه اوخشش بیر رول اوینه ماقده.  بیراق, ایلک مراتبه مسلمان بیر جمعیت منطقه ده ینگی صلیبیون هجوم لری بوییچه استفاده ایتیلیش گه حرکت ایتیلماقده.  اوشبو دایره ده کرد لرنینگ مارکسیست/لنینیست بیر ترور تشکیلاتی نی حمایت قیلیش لری آرزو قیلینماقده.  شونده ی قیلیب ترور تشکیلاتی داعش گه قرشی کوره شیاتگن لیگی نی بهانه قیلیب اوشبو مارکسیست/لنینیست تشکیلات مقتلماقده.  بیراق, اساسی هدف مسلمان لر اورته سیده نفاق تخم لری نی ایکیشدن عبارت.  برچه سعی و حرکت لر گه قره مسدن کرد لرنینگ کوپچیلیگی اوشبو اوین لرنی درک ایتگن وضعیتده.  شوباعث اوشبو وضعیت گه قرشی مخالفت بیلدیرماقده.  تورک لر, عرب و کرد لر مینگ ییلدن بیری بولیب کیلگن لیگی دیک امپریالست لر گه قرشی غلبه قازانه دی. شونده ی قیلیب جغرافیه میز نینگ باله لری امرپالست و نیو صلیبیون هجوم لری بوییچه اوینچاققه ایلنمه گن بوله دی.     

ییلدیریم بایزید عالی بیلیم یورتی سیاست بیلیم لری فاکولته سی نینگ باشلیغی پروفیسر داکتر قدرت بلبل نینگ اوشبو خصوصده گی فکر و ملاحظه لری نی حضورینگیز گه تقدیم ایتدیک عزیز دوست لر.