تورکیه تشقی ایشلر وزیری: عفرین عملیاتی عملگه آشیریله دی

تورکیه تشقی ایشلر وزیری مولود چاووش اوغلی، امریکا قوشمه ایالتلری نینگ سوریه ده بیر حدود اردوسی قوریلمه یدی دیگن بیاناتلری نینگ عفرین گه اویوشتیریله دیگن عملیات نینگ تعویققه تشلنیشی گه سبب بولمس لیگینی بیلدیردی.

مولود چاووش اوغلی، تورکیه چیگره سیده بیر ترور اردوسی ریجه لنیشی بیلن تیگیشلی امریکالیک اداره چیلر تامانیدن بیریلگن سونگی بیانات نینگ قانع قیلووچی بولمه گنینی معلوم قیلیب؛

"بو شخصلر بیلن دوام ایتیلگنده سوریه نینگ کیلجگی هم خطر بیلن دوچ کیله دی" دیدی.

چاووش اوغلی خصوصی بیر تلویزیون کانالیده، سوریه نینگ عفرین منطقه سیده گی تروریستلرنی اماج قرار بیرووچی عملیات بیلن علاقه لی معلومات بیردی.

امریکا قوشمه ایالتلری بیزگه مونبیچ اوچون بیرگن وعده سیگه وفا قیلمه دی. (بولووچی ترور تشکیلاتی پی کاکانینگ منطقه ده گی بولیمی) YPG مونبیچ دن چیقمه دی. بیزنینگ عملی آدیم کوریشیمیز کیره ک. اولرنینگ هر قنده ی گپلری بیزنی قانع قیلمه یدی. امریکا قوشمه ایالتلری نینگ ایندی عملی آدیم آتیشینی کوتیب تورگن میز.

YPG نینگ قولیده گی قوراللرنی ییغیب آلیش اوچون وعده قیلگن ایدیلر. بیز بیرگن قوراللرنینگ سریال نمبرلریگه کوره رقه عملیاتی نینگ آرتیدن ییغیشتیریب آله میز، دیدیلر. بونینگ ممکن ایمس ایکن لیگینی انچه دفعه ایتدیک و بوگون هخم وضعیت نی کوریب تورگن میز. امریکا قوشمه ایالتلری کبی بیر اولکه نینگ وعده سیگه وفا قیلیشی کیره ک. بو اولکه نینگ خوفسیزلیگی تامین ایتیلمه سه هیچ کیم بولر بیلن مشترک ایش آلیب بارمه یدی" دیب ایتدی.

تشقی ایشلر وزیری عفرین عملیاتی بیلن علاقه لی اوله راق؛

هوادن مداخله قیلیش اوچون هماهنگ بولیش کیره ک. روسیه و ایران بیلن تماس برقرار قیلیب تورگن میز. ادلب گه کوزه تووچی جایلشتیریشیمیز آستانه ده گی هماهنگ لیک بیلن عملگه آشیریلدی هوا عملیاتی هم خودی شو شکلده بوله دی" دیب ایتدی.

تو.رکیه ترور اردوسیگه قتتیق ناراضی چیلیک کورستگنده، امریکا قوشمه ایالتلریدن تناون کون ایککی بیانات بیریلدی.

مدافعه وزیرلیگی پنتاگون "سوریه ده حدود کوچی قوریلمه یدی" دیب ایتگن ایدی. تشقی ایشلر وزیری رکس تیلرسون ایسه امریکا قوشمه ایالتلری نینگ تورکیه گه قره ته بیر اضهار قیلیش بورچی بار. سوریه ده حدود کوچی قوریش نیتیمیز یوق" دیب ایتگن ایدی.