عراق کرد منطقوي باشقرووی عراق حکومتی گه رفراندومنی حسابگه آلمس لیگینی تکلیف ایتدی
عراق کرد منطقوي باشقرووی عراق حکومتی بیلن ملاقات قیلیش اوچون عراق حکومتیدن «اوق اوزمسلیک و ناقانوني رفراندوم نتیجه لری نینگ وقتینچه لیک حسابگه آلینمسلیگینی» تکلیف قیلدی.
عراق کرد منطقوي باشقرووی تامانیدن شو توغریده یازمه روشده بیریلگن بیاناتده،
«عراق و عراق کرد منطقوي باشقرووی دوچ کیلگن خوفلی وضعیت نینگ عراقلیک کوچلر بیلن پشمرگه اورته سیده توقنه شووگه یول آچمسلیگی اوچون همه نینگ بوینیده تاریخي مسؤلیتی بار. عراق کوچلری بیلن پشمرگه اورته سیده بوگونگچه یوز بیرگن توقنه شوولر ایکّی تامانگه هم ضرر ییتکزدی. بو وضعیت قانلی اوروشگه هم ایلنیب کیتیشی ممکن. شو بیلن بیرگه، عراق نینگ عنصرلری اورته سیده‌گی اجتماعي توزیلیشنی برهم اوریش احتمالی هم بار» دیگن افاده لرگه ا‌ورین بیریلدی.
بیاناتده شونینگدیک، عراق کرد منطقوي باشقرووی و عراق خلقی نینگ منفعتلری نظرگه آلینگن حالده عراق حکومتی و دنیا جمعیتی گه، «آتش کیس نینگ برقرار بولیشی و عراق کرد منطقوي باشقرووی ده‌گی برچه حربي عملیاتلر نینگ تیزلیک بیلن توخته تیلیشی، 25-سپتمبر کونی اوتکزیلگن ناقانوني رفراندوم نتیجه‌لری نینگ وقتینچه‌لیک حسابگه آلینمسلیگی و عراق کرد منطقوي باشقرووی بیلن مرکزي باشقروو اورته سیده عراق اساسی قانونی اساسیده ملاقات نینگ باشله تیلیشینی» تکلیف قیلدی.
علاقه لی ینگی لیکلر
عراق نینگ شمالیده و سوریه نینگ شمالیده حربی عملیات اویوشتیریلدی
عراق نینگ شمالیده و سوریه نینگ شمالیده بیر قطار تروریست جنگری تاثیرسیز وضعیت گه کیلتیریلدی
بیرلشگن عرب امیرلیکلری دولت باشلیغی بیلن تورکیه تشقی ایشلر وزیری اوزارا اوچره شوو اوتکزدی
تورکیه تشقی ایشلر وزیری بیرلشگن عرب امیرلیکلریگه تشریف بیوردی
