روسیه بیلن امریکا اوز ارا کیلیشیب آلدی

روسیه تشقی ایش لر وزیری سرگی لاوروف روسیه بیلن امریکا قوشمه ایالتلری نینگ سوریه نینگ جنوبغربیده آتش بس نینگ تامین ایتیلیشی خصوصیده اوز ارا کیلیشیب آلگن لیگی نی معلوم قیلدی.  
لاوروف اوشبو کیلیشوو نینگ جولای آیی نینگ 9 نچی کونیدن باشلب تطبیق ایتیله باشله نه دیگن لیگی نی بیلدیردی.  
لاوروف, "اوشبو کیلیشوو سوریه نینگ جنوبغربیده گی قنیطره و درعا شهر لریده بیر آتش بس نینگ تامین ایتیلیشی نی قمره ماقده.  خودی منه شوو کیلیشوو جولای آیی نینگ 9 نچی کونیده دمشق وقتی بیلن توشکی پیتده ساعت 12 ده تطبیق ایتیله باشله نه دی" دییه قید ایتدی.  
عینی دمده لاوروف, آتش بس نینگ تامین ایتیله دیگن منطقه ده امنیت نینگ امریکا و اردن نینگ همکارلیگی بیلن روسیه حربی لری تامانیدن تامین ایتیله دیگن لیگی نی بیلدیردی.  
 روسیه دولت رهبری ولادیمیر پوتین, آلمان نینگ هامبورگ شهریده جی 20 رهبر لر ییغیلیشی دایره سیده امریکا قوشمه ایالتلری دولت رهبری دونالد ترامپ بیلن اوچره شگن ایدی.