قطرگه بیریلگن مدت اوزه یتیریلدی.

یوقاریده آتی آلینگن عرب دولتلری قول قویگن و سعودی  عربستان نینگ SPA خبر اآژانسیده چاپ ایتیلگن یازمه روشده‌ گی بیاناتده عرب دولتلری بیلن قطر اورته‌ سیده واسطه‌ چیلیک قیله‌ یاتگن کویت امیری شیخ صباح الاحمد الجا‌بر الصباح نینگ التماسی بیلن قطرگه بیریلگن مدتی نینگ 48 ساعت اوزه ‌یتیریلیشی توغریسیده‌ گی طلب نینگ قبول قیلینگن لیگی معلوم قیلیندی.

عرب دولتلری نینگ 13 مادّه ‌لیک طلبیگ ه قطر حکومتی نینگ رسمي روشده دوشنبه‌ کونی یعنی بوگون جواب بیریشی انیقلنگن لیگی اوچون کویت نینگ التماسینی عرب دولتلری قبول قیلگن.

بیاناتده شونینگدیک، قطرگه نسبتاً تحریم عملی قیلگن دولتلر فکری نینگ، قطر نینگ جوابینی کوریب چیقیلگنیدن کیین‌ معلوم قیلینه‌ جگی قید ایتیلدی.

کویت امیری صباح، قطرگه بیریلگن مدت نینگ یکشنبه‌ کونی اوز نهایه ‌سیگه ییتیشی و قطر تشقی ایشلر وزیری شیخ محمد بن عبدالرحمان آل-ثاني نینگ قطر نینگ رسمي جوابینی کویتگه دوشنبه‌ کونی باریب ییتکزیشی یوزه‌ سیدن، مدت نینگ ینه‌ 48 ساعت اوزه‌یتیریلیشینی طلب قیلگن ایدی.