ترکیه بیلن روسیه اوز ارا کیلیشیب آلدی

سوریه مسئله سی بوییچه ترکیه بیلن روسیه اوز ارا کیلیشیب آلدی. 

ترکیه بیلن روسیه, سوریه ده اورشیتگن تامان لر گه اولکه نینگ همه جاییده تینچ لیک نینگ اورنه تیلیشی اوچون تقدیم ایتیله دیگن پلان بوییچه اوز ارا کیلیشیب آلدی. 

اوشبو تینچ لیک پلانی نینگ, بشار الاسد رژیمی و رژیم طرفداری چیت ایل لیک ترورچی گروه لری نینگ مخالف لر بیلن اوروشیتگن برچه منطقه لرده تطبیق ایتیلیشی هدف قیلیب آلینماقده. 

انقره بیلن مسکو, اوروشیتگن تامان لر آره سیده بو کیچه ساعت ۱۲ دن باشلب اوشبو پلان نینگ تطبیق ایتیلیشی گه حرکت ایته دیگن لیگی بیلدیریلدی.  

بیراق, ترور تشکیلات لری اوشبو تینچ لیک پلانی گه کریتیلمه گن.  

آتش بس نینگ موفقیتلی بیر شکلده تطبیق ایتیلیشی تقدیرده, رژیم بیلن مخالف لر, ترکیه بیلن روسیه ایتکچی لیگیده قزاقستان پایتختی آستانه ده مذاکره اوتکزه دی.

ترکیه بیلن روسیه اوشبو مذاکره لر بوییچه واسطه چیلیک قیلیب, بیرلشگن ملت لر تشکیلاتی خوف سیزلیک کینگشی نینگ ۲۲۵۴ سانلی قراریده ذکر قیلینگن سیاسی اوتیش پروسه سی دایره سیده تینچ لیک نینگ اورنه تیلیشی گه حصه قوشماقچی.