اردوغان: ترکیه بیلن روسیه آره سیده گی مناسبتلرنی بوزیش گه حرکت ایتماقده لر

ترکیه جمهوریتی جمهوررئیسی رجب طیب اردوغان, روسیه نینگ انقره ایلچی سی کارلوف نینگ ترورچیلیک هجومی عاقبتیده جان بیرگن لیگی نی قتتیق بیر شکلده قاره لرایکن, "اوشبو حادثه ترکیه بیلن روسیه آره سیده گی علاقه لرنی توزیب تشلش اوچون قیلینگن بیر حرکت دن عبارت" دییه قید ایتدی.  

اوشبو حادثه بیلن علاقه لی روسیه جمهوررئیسی ولادیمیر پوتین بیلن صحبت ایتگن لیگی نی معلوم قیلگن اردوغان, اوز سوز لری نی, "حرمتلی پوتین و برچه روس خلقی گه همدردلیک بیلدیرماقچی من" شکلیده دوام ایتتیردی.  

اردوغان, پوتین بیلن بولیب اوتگن صحبت لری جریانیده اوشبو حادثه نینگ بیر تحریک دن عبارت ایکن لیگی بوییچه همفکر بولگن لیک لری نی بیلدیررایکن, خلق ارا مقیاسده تروریزم گه قرشی کوره ش بوییچه همکارلیک نینگ موجود بولیشی کیره ک ایکن لیگی توغری سیده همفکرلیک بیلدیریلگن لیگی نی معلوم قیلدی.  

جمهوررئیسی اردوغان, اولدیریلگن کارلوف نینگ اینگ یخشی دیپلمات لر آره سیده اورین آلگن لیگی نی بیلدیردی.  

اردوغان, اوشبو هجوم نینگ ترک ملتی و دولتی گه قرشی اویوشتیریلگن لیگی نی معلوم قیلدی.  

عینی دمده جمهوررئیسی اردوغان, کارلوف نینگ جنازه سی نینگ روسیه دن کیله دیگن بیر طیاره بیلن اولکه سی گه یوباریله دیگن لیگی و مشترک بیر تحقیقات کمیسیونی نینگ قوریله دیگن لیگی نی ایسله تیب اوتدی.