ترک اوروش طیاره لری داعش هدف لری نی بمباردمان ایتماقده

ترکیه جمهوریتی قوراللی کوچلری, مشترک خاص وظیفوی کوچی و ائتلاف هوائی کوچ لری تامانیدن سوریه نینگ حلب شهری گه باغلیق جرابلس منطقه سی نینگ ترور تشکیلاتی داعش دن تصفیه ایتیلیشی بیلن علاقه لی عملیات باشله تیلدی. 

جرابلس منطقه سیده گی داعش موضع لری قتتیق بیر شکلده توپ بیلن اوریلماقده. 

اوشبو منطقه عینی دمده ترکیه جمهوریتی هوائی کوچ لری اوروش طیاره لری تامانیدن هم بمباردمان ایتیلدی.

شونده ی قیلیب بوگون ایرته لب ترکیه وقتی ساعت ۶ ده ترکیه اوروش طیاره لری منطقه نی بمباردمان قیلیب باشله دی. 

ایف ۱۶ اوروش طیاره لری جرابلس و کیکلیجه ده گی هدف لر نی اورماقده. 

اوشبو عملیات نینگ اساسی هدفی نینگ ترکیه نینگ سوریه چیگره سیده امنیت نینگ تامین ایتیلیشیدن عبارت ایکن لیگی نی بیلدیرگن حربی منبع لر, ۶۳ هدف نینگ اوریلگن لیگی نی بیلدیردی.   

خودی منه شوو عملیات دایره سیده آلدین دن معلوم قیلینگن داعش هدف لری تاثیر وضعیت گه کیلتیریلدی. 

ترکیه جمهوریتی قوراللی کوچ لری نینگ بوگون ایرته لب ساعت ۴ ده باشله گن اوشبو عملیاتی نینگ اساسی مقصدی, ترکیه چیگره سی نینگ ترور تشکیلات لریدن تصفیه ایتیلیب چیگره نینگ امنیتی نینگ تامین ایتیلیشی و سوریه نینگ توپراق بوتونلیگی نینگ قورینیشی دن عبارت. 

داعش گه قرشی فعال بیر شکلده کوره ش آلیب باریتگن ترکیه قوراللی کوچلری نینگ اوشبو عملیاتی ائتلاف کوچلری نینگ خودی منه شوو ترور تشکیلاتی گه قرشی آلیب باریتگن فعالیت لری گه مهم حصه قوشه دی. 

عینی دمده اوشبو عملیات نینگ هدفی, انسان لرنینگ منطقه لری نی ترک ایتیش لری گه مانع بولیش و منطقه انسان لری گه بشری یاردم لر نینگ آلیب باریلیشی اوچون یول نینگ آچیلیب بیریلیشی, ترکیه جمهوریتی دولتی و ملتی گه قرشی هجوم اویوشتیره دیگن, معصوم انسان لرنی اولدیره دیگن ترور تشکیلات لری گه قرشی فعال بیر شکلده کوره ش آلیب باریش و اوشبو خصوصده خلق ارا جامعه و ائتلاف کوچلری بیلن بیرگه لیکده فعالیت لر آلیب باریش دن عبارت. 

اوشبو عملیات بیلن علاقه لی دیپلماتیک فعالیت لر هم عمل گه آشیریلدی.  

شونده ی قیلیب اوشبو عملیات گه تیگیشلی روسیه گه هم معلومات بیریلدی.