ترکیه سوریه ده گی داعش هدف لری نی اوردی

ترکیه قوراللی کوچلری, ترور تشکیلاتی داعش نینگ سوریه نینگ شمالیدن ترکیه نی اوریش اوچون تیارگرلیک اوتکزیتگن موضع لری نی اوردی.  

آلینگن ایلک معلوماتلر گه کوره اوشبو عملیات نتیجه سیده ۱۰ تروریست تاثیر سیز وضعیت گه کیلتیریلدی.  

ترکیه قوراللی کوچلری توپ لری و ائتلافی کوچ نینگ طیاره لری تامانیدن اویوشتیریلگن هوائی عملیات نتیجه سیده, ترور تشکیلاتی نینگ کوپلب راکت لری و هاوان لری نینگ موجود بولگن ۱۷ هدفی اوریلدی.  

ترکیه قوراللی کوچلری عینی دمده ترور تشکیلاتی پی کا کا گه قرشی هم هوائی عملیات اویوشتیردی.  

آواشین- باسیان منطقه سی گه قره ته اجرا ایتیلگن هوائی عملیات نتیجه سیده ترور تشکیلاتی نینگ ایککی مرکزی ییر بیلن یکسان قیلیندی.  

خودی منه شو عملیاتلر جریانیده تروریست لرنینگ هم اوشبو مرکز لر ده موجود ایکن لیک لری قید ایتیلدی.  

اوز وظیفه سی نی موفقیت بیلن تکمیل قیلگن اوروش طیاره لری مرکز لری گه قیتیب کیلدیلر.