بشار الاسد بشری یاردم لرنینگ آلیب باریلیشی گه مانع بولماقده

بشار الاسد رژیمی, سوریه ده محاصره ایتگن منطقه لر گه بشری یاردم لرنینگ آلیب باریلیشی گه مانع بولماقده.

بیرلشگن ملت لر تشکیلاتی خوف سیزلیک کینگشی, سوریه ده گی بشری یاردم لر بیلن علاقه لی مطبوعات گه یاپیق بیر ییغیلیش اوتکزدی.

اوشبو ییغیلیش جریانیده بیرلشگن ملت لر تشکیلاتی بشری ایشلر بوییچه عمومی سکرتر نینگ اورینباسری و عاجل یاردم کوردیناتوری ستیفن اوبرین, کینگش اعضا لری گه اوشبو خصوصده معلومات بیردی.

اوشبو ییغیلیش آرتیدن ایریم بیاناتلر بیرگن امریکا قوشمه ایالتلری نینگ بیرلشگن ملت لر تشکیلاتیده گی دایمی نماینده سی سامانتا پاور, سوریه رژیمی نینگ, محاصره آستیده گی منطقه لر گه ییترلیک مقیاسده یاردم موادی نینگ ییتیب باریشی گه اجازت بیرمیتگن لیگی نی بیلدیردی.

پاور, آلدینگی آی بیلن سالشتیریلگنده محاصره آستیده گی منطقه لر گه مارچ آییده ینه ده آزراق یاردم موادی نینگ ییتیب بارگن لیگی نی معلوم قیلدی.

اوبرین, اوتگن هفته بیرگن بیاناتلریده, درعا ده انسان لرنینگ آچلیق سببلی اوغوت لر نی ییه گن لیک لری گه تیگیشلی معلومات لرنینگ بیرلشگن ملت لر تشکیلاتی گه ییتیب کیلگن لیگی نی بیلدیرگن ایدی.

صحبتلری جریانیده پاور بیر باله نینگ عکسی نی کورسه تیب اوشبو باله نینگ کسل ایکن لیگی سببلی شهردن چیقریلیشی کیره ایکن لیگی نی بیلدیررایکن, رژیم نینگ اجازت بیرمه گن لیگی نی معلوم قیلدی.

پاور ۱۴ یاشیده گی اوشبو باله نینگ دوشنبه کونی وفات ایتگن لیگی نی بیلدیردی.

پاور, برچه تامان لرنینگ اوشبو منطقه لر گه بشری یاردم لرنینگ ییتیشتیریلیب بیریلیشی اوچون بشار الاسد رژیمی گه باسیم قیلیشی نی طلب ایتدی.