ترک وزیر: سوریه ده ینه اوچ یریم میلیون کیشی نینگ مهاجر بولیشی ممکن

ترکیه جمهوریتی اوروپا بیرلیگی وزیری و باش مذاکره چی وولکان بوزقیر, سوریه ده ینه اوچ یریم میلیون کیشی نینگ مهاجر بولیشی نینگ ممکن ایکن لیگی نی بیلدیردی.

بوزقیر, نیویورک باش قونسلگرلیگیده ترک جمعیتی نماینده لری بیلن بولیب اوتگن صحبتی جریانیده, سوریه و مهاجر لر مسئله سی نینگ حل ایتیلمسلیگی تقدیرده, ینه ده کتته راق قیین چیلیک لرنینگ پیدا بولیب قالیشی نینگن ممکن ایکن لیگی نی معلوم قیلدی.

بوزقیر, "سوریه مسئله سی نینگ حل ایتیلمسلیگی تقدیرده, فقط گینه حلب نینگ اوزیده بیر یریم میلیون کیشی نینگ مهاجر بولیب قالیشی ممکن. سوریه نینگ همه قسم لریده ایسه ۳ یریم میلیون کیشی نینگ مهاجر بولیب قالیشی ممکن البته که. اوشبو قیین چیلیک ترکیه و بیر نیچه اولکه تامانیدن ییچیله آله دیگن بیر معما دن عبارت ایمس" دییه قید ایتدی.

بوزقیر, سوریه منبعی گه ایگه تروریزم تهدیدی گه دقت قره ترایکن, ترور تشکیلاتلری نینگ خلق ارا مقیاسده گی بیر مسئله گه ایله نیب قالگن لیگی نی بیلدیریب, اوشبو معما نینگ همه گه ضرر بیره دیگن لیگی نی ایسله تیب اوتدی.