اسرائیل ۱۰۰ نفر فلسطین لیک نی اولدیردی

اسرائیل ایککی آیده ۱۰۰ نفر فلسطین لیکنی اولدیردی.
اکتوبر آیی نینگ بیرینچی کونیدن باشلب حاضرگی کون گه قدر اسرائیل کوچلری و یهودی ناقل لر نینگ هجومی عاقبتیده جان بیرگن فلسطین لیک لر نینگ سانی ۱۰۰ نفر گه کوتریلیب کیتدی.
فلسطین ساغلیق وزیرلیگی تمانیدن بیریلگن تحریری بیاناتده, توناون بیت المقدس نینگ جنوبغربیده اسرائیل حربی لری تمانیدن آتیب اولدیریلگن ۲۱ یاشیده گی فلسطین لیک یحیی یسری طه بیلن بیرگه ایککی آیده جان بیرگن فلسطین لیک لرنینگ سانی نینگ ۱۰۰ نفر گه کوتریلیب کیتگن لیگی قید ایتیلدی.
بیاناتده, خودی منه شو اولدریلگن فلسطین لیک لر نینگ ۲۲ نفری نینگ باله لر و ۴ نفری نینگ ایسه عیال لر دن عبارت ایکن لیک لری معلوم قیلیندی.
عینی دمده اسرائیل حربی لری نینگ غربی نوار نینگ فرقلی منطقه لریده ۲۵ نفر فلسطین لیکنی نظارت آستی گه آلگن لیگی هم بیلدیریلدی.
اسرائیل تشقی ایش لر وزیرلیگی ایسه, خودی منه شو مدت مابینیده ۲۰ نفر اسرائیل لیک نینگ جان بیرگن لیگی و ۱۸۹ کیشی نینگ یاره لنگن لیگی نی ایسله تیب اوتدی.
یهودی ناقل لرنینگ فلسطین لیک لر گه قره تیلگن هجوم لری و مسجد الاقصی بیلن علاقه لی باسیم لری نتیجه سیده منطقه ده وضعیت نینگ بحرانی ایکن لیگی کورینماقده.
تقریباً هر کون اسرائیل لیک لر نی بچاق بیلن اورگن لیگی ادعا ایتیلیب فلسطین لیکلر آتیب اولدیریلماقده.