آقینچی لر اسرائیل گه هجوم ایتدی

آقینچی لر اسرائیل گه هجوم ایتدی.
تُرک هِکر لر اسرائیل نینگ انترنت سایت لری نی بوزیب قویدی.
اسرائیل نینگ مسجد الاقصی گه قره تیلگن هجومی گه عکس العمل کورستگن Cyber-Warrior آقینچی لر نامیده گی تُرک هکر گروپی اسرائیل نینگ اوچ دن بیر قسمی نی تشکیل ایتیتگن گالیل (جلیله) منطقه سی نینگ انترنت سایت لری نی بوزیب قویدی.
اوشبو هکر گروپی تمانیدن بوزیلگن خودی منه شو انترنت سایت لری آره سیده دولت سایت لری, تلویزیون, سپورت روزنامه سی, خصوصی خوف سیزلیک و 4G تیلیکامیونیکیشن شرکتی سایت لری هم موجود.
شوندای قلیب اوشبو هکر گروپی یوز لب انترنت سایتی نی بوزیب قویرایکن, خودی منه شو سایت لر گه پیام یازیب قویدی لر.
اوشبو هکر لر, بوزیب قویگن سایت لر گه, "قنچه قان توکیلیشی گه قره مسدن, الاقصی نینگ آرقه سی ده گی باله لر نجات تاپه دی. اولرنینگ تاش لری راکت کبی. ایسله ای صهیونیست!! محمد (ص) نینگ اردوسی قیتیب کیله دی! بیز عثمانلی میز. بیز ترکیه میز. بیز آقینچی لر میز" شکلی ده یازیب قویگن.
آقینچی لر گروپی, تویتر آدرس لری آرقه لی بیرگن بیاناتی ده ایسه, "اسرائیل ترور تشکیلاتی نینگ, مسجد الاقصی ده اذان گه قرشی حرمت سیزلیگی گه عکس العمل کورستماقده میز. اسرائیل ترور تشکیلاتی گه عاید سایت لر ده اذان شریف نی ایشیتتریش نی بیز گه لطف ایله گن الله گه شکر لر بولسین. ظالم اسرائیل نینگ فلسطین لیک مسلمان لر نی قیرغین ایتگن لیگی کافی ایمس دیک, مقدس ارزش لری میز گه هم حرمت سیزلیک قلیتگن لیگی جواب سیز قالمه دی. اسرائیل نینگ همه سایت لری نی هدف قلیب آلگن میز. ظالم اسرائیل نینگ برچه تدبیر لری گه قره مسدن بیز آقینچی لر ینه اوز هجوم لری میز نی دوام ایتتره میز" شکلی ده یازدی.
بیر نیچه کون آلدین اسرائیل حربی لری میلادی 1967 نچی ییلی دن بیری ایلک مراتبه مسجد الاقصی نینگ ایچی گه بوت لری بیلن کریب, محراب نینگ اوستی گه چیقگن ایدی. شوندای قلیب اسرائیل لیک حربی لر قرآن کریم لر نی ییر گه تشلب مسجد الاقصی گه ضرر بیرگن ایدی. خودی منه شو وضعیت نینگ اوزی ایسه اسلام عالمی ده قتتیق بیر عکس العمل گه سبب بولیب کیتگن ایدی.