عراق ده داعش مکتب شاگرد لری دن مالیه آلیب باشله دی

عراق ده داعش مکتب شاگرد لری دن مالیه آلیب باشله دی.
عراق ده ترور تشکیلاتی داعش, مکتب ده اوقیَتگن اوقوچی لر نی مالیه بیریش گه مجبور قلیب قویدی.
شوندای قلیب داعش نینگ, عراق نینگ موصل شهری ده اوقوچی لرنینگ آی لیق اوله راق مالیه توله شی کیره ک ایکن لیگی نی بلدرگن لیگی معلوم قلیندی.
عراق انسان حق لری وزیرلیگی تمانیدن بیریلگن بیانات ده, داعش نینگ موصل ده گی باشلنغیچ و اورته مکتب لر بیلن لیسه لر ده اوقیتگن اوقوچی لرنینگ آی لیق مالیه توله شی کیره ک ایکن لیگی نی بلدرگن لیگی قید ایتیلدی.
شوندای قلیب داعش نینگ موصل ده باشلنغیچ مکتب اوقوچی لری دن آی لیق ۲۵ مینگ عراق دیناری, اورته مکتب و لیسه اوقوچی لری دن آی لیق ۵۰ مینگ دینار و عالی بیلیم یورتی اوقوچی لری دن ایسه آی لیق ۷۵ مینگ دینار مالیه آلیب باشله گن لیگی بلدریلدی.
عینی دمده داعش نینگ ایرکک اوقوتوچی لرنینگ عیال اوقوچی لر گه و عیال اوقوتوچی لرنینگ ایسه ایرکک اوقوچی لر گه درس بیریشی نی ممنوع قلیب قویگن لیگی هم معلوم قلیندی.