پیشمرگ کوچ لری کوبانی ده ایلک هجومی نی اویشتردی

عراق دن کوبانی گه اوتگن پیشمرگ کوچ لری, داعش گه قرشی ایلک هجومی نی اویشتردی.
ترکیه آرقه لی کوبانی گه اوتگن پیشمرگ کوچ لری, شهر نینگ غربی ده گی فرقلی نقطه لر گه باریب جایله شیب آلگن ایدی.
ایلک هجومی نی اویشترگن پیشمرگ کوچ لری, توناون آقشام داعش موضع لری گه آلتی راکت اوردی.
اوشبو هجوم گه داعش نینگ ایسه جواب قیترمه گن لیگی کوریندی.
پیشمرگ کوچ لری نینگ کوبانی گه اوتیتگن پیت ده ائتلاف کوچ لری طیاره لری نینگ داعش گه قرشی بمباردمانی هم آرتیب کیتدی.
عینی دمده مرکزی لندن ده اورین آلگن سوریه انسان حق لری نی تعقیب ایتیش تشکیلاتی, کوبانی و تیگره گی ده سونگگی اوچ کون ده گی اوروش لر عاقبتیده کمیده ۱۰۰ نفر داعش جنگری سی نینگ جان بیرگن لیگی نی معلوم قیلدی.