بو کیچه خوف سیزلیک کینگشی فلسطین ییغیلیشی بولیب اوته دی

بیرلشگن ملت لر تشکیلاتی خوف سیزلیک کینگشی فلسطین مسئله سی بیلن علاقه لی بوگون فوق العاده بیر ییغیلیش اوتکزه دی.
اوشبو ییغیلیش جریانی ده, اسرائیل نینگ قانونی بولمه گن بیر شکل ده یهودی مسکونی نقطه لر قوریش فعالیت لری باره سیده بحث ایتیله دی.
فلسطین نینگ بیرلشگن ملت لر تشکیلاتی ده گی دایمی نماینده سی ریاض منصور, خوف سیزلیک کینگشی نینگ فوق العاده بیر ییغیلیش اوتکزیشی نی طلب ایتگن ایدی.
اردون ایسه اوشبو طلب نی رسمی بیر شکل ده خوف سیزلیک کینگشی گه تقدیم ایتدی.
شوندای قلیب خودی منه شو موضوع بیلن علاقه لی بوگون کیچه افغانستان وقتی بیلن ساعت ۱۱ یریم ده خوف سیزلیک کینگشی ده بیر ییغیلیش بولیب اوته دی.
بیرلشگن ملت لر تشکیلاتی عمومی منشی سی بان کی مون و امریکا قوشمه ایالت لری رهبریتی آلدین بیرگن بیانات لری ده, اسرائیل نینگ ینگی یهودی مسکونی نقطه لر قوریشی نینگ خلق ارا حقوق قاعده لری گه ضد ایکن لیگی نی بلدرگن ایدی.