داعش عراق ده آلتمیش کیشی نی آلیب قاچیرگن

عراق ده داعش نینگ ۶۰ کیشی نی آلیب قاچیرگن لیگی ادعا ایتیلدی.
عراق نینگ موصل شهری ده ترور تشکیلاتی داعش جنگری لری نینگ, خودی منه شو ترور تشکیلاتی تمانیدن اولدیریلگن منصبدار نینگ جنازه مراسمی ده اونلب کیشی نی آلیب قاچیرگن لیگی بلدریلدی.
منطقه ده گی قبیله نینگ مهم شخصیت لری دن بیری محسن الجبوری, داعش نینگ پولیس اوله راق وظیفه اجرا ایتیتگن منصبدار عبدالعزیز علی الجبوری نینگ هم آره سیده موجود بولگن ایریم کیشی لر نی اولدیرگن لیگی نی بلدردی.
داعش جنگری لری نینگ منصبدار الجبوری نینگ جنازه مراسمی جریانی ده هم هجوم اویشترگن لیگی نی بلدرگن الجبوری, "مراسم جریانی ده داعش جنگری لری ۶ عراده موتر بیلن کیلدی لر. جنازه گه اشتراک ایتگن کیشی لر دن ۶۰ دن آرتیغراق کیشی نی آلیب قاچیردی لر" دییه قید ایتدی.
قدرت خلاسی دن فایده له نیب داعش ایتکچی لیگی ده گی جنگری لر موصل داخل ایریم منطقه لر نی قول گه کریترایکن, شوندای قلیب عراق نینگ فرقلی منطقه لری ده داعش بیلن خوف سیزلیک کوچ لری آره سیده اوروش لر دوام ایتماقده.
عراق اردوسی و امریکا قوشمه ایالت لری نینگ اوروش طیاره لری معلوم بیر مدت دن بیری داعش نینگ کنترولی آستیده گی ایریم منطقه لر گه قره ته عملیات اویشترماقده.