عراق ده ۲۹ کیشی جان بیردی
عراق پایتختی بغداد نینگ فرقلی منطقه لری ده اویشتریلگن هجوم لر عاقبتیده ۲۹ کیشی جان بیررایکن, ۷۱ نفر ایسه یاره لندی
عراق پایتختی بغداد نینگ فرقلی منطقه لری ده اویشتریلگن هجوم لر عاقبتیده ۲۹ کیشی جان بیررایکن, ۷۱ نفر ایسه یاره لندی.
بغداد نینگ جنوبغربی ده یوز بیرگن انفجار حادثه سی عاقبتیده ۳ کیشی نینگ جان بیرگن لیگی و ۱۱ نفر نینگ ایسه یاره لنگن لیگی بلدریلدی.
بغداد نینگ شمالی ده گی کاظمیه منطقه سیده رستورانت لر و استخبارات تشکیلاتی قرارگاهی گه یقین بیر جای ده منفجره مواد یوکلنگن ایککی عراده موتر بیلن اویشتریلگن هجوم و خودی منه شو منطقه نینگ اوزی گه هاوان مرمی لری نینگ توشیشی عاقبتیده ۲۱ کیشی نینگ جان بیرگن لیگی و ۴۸ نفر نینگ ایسه یاره لنگن لیگی قید ایتیلدی.
عینی دمده بغداد نینگ غربی ده منفجره مواد یوکلنگن بیر عراده موتر بیلن اویشتریلگن هجوم عاقبتیده ایککی کیشی نینگ جان بیرگن لیگی و بیش نفر نینگ ایسه یاره لنگن لیگی بلدریلدی.
بوندن تشقری بغداد نینگ شمالی ده هاوان توپی نینگ توشگن لیگی سببلی ۳ کیشی نینگ جان بیرگن لیگی و ۷ نفر نینگ یاره لنگن لیگی معلوم قلیندی.
