اسرائیل نینگ غزه عملیاتی

اسرائیل تانک لری, بمباردمان نینگ 11 نچی کونیده غزه گه کیردی.
اسرائیل نینگ "محافظتی خط" نامی بیلن اته گن عملیاتی عاقبتیده جان بیرگن فلسطین لیک لرنینگ سانی 260 کیشی گه کوتریلیب کیتدی.
اوشبو پیاده عملیات بحران نی ینه ده چقورلشترماقده.
اسرائیل کیچه عیال لر و باله لر دیمسدن غزه نی بمباردمان ایتدی.
دنیا اوشبو وضعیت گه قرشی هیچ قندای بیر عکس العمل کورستمس ایکن, اسرائیل اردوسی ینه 18 مینگ عسکر توپله دی.
اسرائیل باش وزیری بونیامین ناتانیاهو, اردو نینگ اوشبو عملیات نی کینگیتریب یوباریش گه تیار ایکن لیگی نی ایسله تیب اوتدی.
حماس سوزلاوچی سی ایسه, اوز لری نی مدافعه ایتیش گه تیار ایکن لیک لری نی بلدررایکن, اسرائیل گه ضربه اوریله دیگن لیگی نی معلوم قلدی.
اسرائیل اردوسی, جولای آیی نینگ 8 نچی کونیدن بیری 65 مینگ قوشیمچه عسکر چقردی.
غزه گه قره تیلگن عملیات نینگ هدفی نینگ ایریم جای لرنینگ قول گه کریتیلیشی, زیربنا نینگ یوق ایتیلیشی و محاصره نی بوزیش اوچون استفاده ایتیله دیگن تونل لرنینگ تخریب ایتیلیشی دن عبارت ایکن لیگی بلدریلدی.
فلسطین لیک باش مذاکره چی, عملیات نینگ منطقه ده گی معما لرنی ییچیش اورنی بحران نی ینه ده آرتریب یوباره دیگن لیگی نی ایسله تیب اوتدی.
اردون نینگ طلبی گه بناً بیرلشگن ملت لر تشکیلاتی خوف سیزلیک کینگشی نینگ اوشبو موضوع بیلن علاقه لی بیر ییغیلیش اوتکزیشی کوتیلماقده.