اسرائیل نینگ, غزه بمباردمانی دوام ایتماقده

اسرائیل نینگ, غزه بمباردمانی دوام ایتماقده.
غزه ده یریم ساعت لیک بیر مدت مابینیده ۵۰ دن آرتیغراق هدف اوریلدی.
سه شنبه کونیدن بیری جان بیرگن کیشی لرنینگ سانی ۷۵ نفر گه کوتریلیب کیتدی.
اوشبو جان بیرگن کیشی لر آره سیده ۵ نفری باله لر دن عبارت بیر عایله دن ۸ کیشی نینگ موجود ایکن لیگی بلدریلدی.
فلسطین لیک لر, اسرائیل نینگ سه شنبه کونیدن بیری ۷۰ دن آرتیغراق اوی نی بمباردمان ایتگن لیگی نی بلدررایکن, جان بیرگن کیشی لرنینگ کمیده ۲۰ نفری نینگ باله لر دن عبارت ایکن لیگی نی معلوم قلدی.
اسرائیل اردوسی سونگگی ۵۶ ساعت لیک بیر مدت مابینیده توپلم ۷۵۰ هدف نی اورگن لیگی نی معلوم قلرایکن, ۸۰۰ تن منفجره مواد دن استفاده ایتیلگن لیگی نی بلدردی.
حماس, اسرائیل نینگ هجوم لری گه قرشی تینگیز ده گی کیمه لر گه راکت اوریب جواب قیتردی.
اوشبو راکت لرنینگ تل ابیب و بیت المقدس گه بارگن لیگی بلدریلرایکن, مذکور راکت لرنینگ هیچ کیمسه نینگ یاره له نیشی گه سبب بولمه کن لیگی قید ایتیلدی.
اسرائیل لیک مسئول لر, غزه دن اسرائیل گه ۳ کونده ۲۲۵ راکت اوریلگن لیگی نی بلدررایکن, خودی منه راکت لر آره سیدن قرق راکتی نینگ هوا ده تاثیر سیز وضعیت گه کیتیریلگن لیگی, بیری نینگ ایسه دیمونا هستوی مرکزی گه یقین بیر جای گه باریب توشگن لیگی نی معلوم قلدی.