تورکیه پاکستانده اویوشتیریلگن هجوم لر نی قاره له دی
اوشبو توغریده تورکیه تشقی ایشلر وزیرلیگی تامانیدن بیانات بیریلدی
تورکیه, پاکستانده سونگّی پیتلرده اویوشتیریلگن ترورچیلیک هجوملرینی قاره له دی.
اوشبو توغریده تورکیه جمهوریتی تشقی ایشلر وزیرلیگی تامانیدن یازمه بیانات بیریلدی.
بیاناتده, "پاکستانده سونگّی پیتلرده اویوشتیریلگن ترورچیلیک هجوملرینی قتتیق قاره له یمیز. حیاتینی یوقاتگن کیشی لرنینگ عایله لری گه قیغوداشلیک بیلدیررایکن, یره لنگن لر گه ایسه عاجل شفا تیلب قاله میز" دییه قید ایتیلدی.
تورکیه نینگ, "قرداش پاکستان نینگ خوفسیزلیک و برقرارلیگی نی حمایت قیلیش" گه دوام ایته دیگن لیگی معلوم قیلینگن بیاناتده, تورکیه نینگ تروریزم گه قرشی کوره ش بوییچه پاکستان خلقی نینگ یانیده بوله دیگن لیگی بیلدیریلدی.
خیبر پختونخوا ایالتیده چینلیک انجنیر لر و ایشچی لرنی تشووچی قطار گه قره ته 26- مارچ کونی هجوم اویوشتیریلدی. اوشبو حادثه عاقبتیده 5 ته سی چینلیک و بیری ایسه پاکستانلیک توپلم 6 کیشی حیاتینی یوقاتدی.