تورکیه – اسپانیا تشقی ایشلر وزیرلری اوزارا اوچره شوو اوتکزدی

تورکیه جمهوریتی تشقی ایشلر وزیری خاقان فیدان، اروپا بیرلیگی اعضالیگی نینگ تورکیه اوچون ستراتیژیک بیر هدف بولیش گه دوام ایتگن لیگینی تیلگه آلدی.

تورکیه تشقی ایشلر وزیری خاقان فیدان، رسمی سفر آرقه لی انقره گه تشریف بیورگن اسپانیا تشقی ایشلر وزیری جوزه مانوئیل آلباریز بیلن تورکیه تشقی ایشلر وزیرلیگیده گی اوچره شووی نینگ آرتیدن مشترک مطبوعاتی کنفرانس اویوشتیردی.

اسپانیانینگ باشدن بیری تورکیه نینگ اروپا بیرلیگی گه اعضالیک جریانینی صمیمی قوللب – قوتله گن اولکه لر قطاریده ایکن لیگینی، اروپا بیرلیگی اعضالیگی نینگ تورکیه اوچون ستراتیژیک بیر هدف بولیش گه دوام ایتگن لیگینی کسبداشی گه ینه بیر مرته تاکییدله گن لیگینی افاده ایتگن فیدان شولرنی ایتدی:

"تورکیه نینگ اروپاگه اعضالیک جریانینی بعضی بیر اولکه لرنینگ ضعیف پولیتیک کون ترتیبلریگه تشلنمیه دیگن درجه ده مهم ایکن لیگینی معلوم قیلدیم. اسپانیا اروپا بیرلیگی ایچیده غزه موضوعیده بیرینچی کوندن بیری صمیمی بیر یانداشوو ایچیده بولگن و فلسطین خلقی نینگ یانیده بولگن اولکه لردن بیرته سی دیر. اسپانیانینگ تقدیرگه سزاوار بو یانداشووی فلسطین مسئله سی نینگ دینی و اتنیک کیملیکلرنینگ اوستیده گلوبال بیر دعوا ایکن لیگی نینگ هم اثباتی دیر." دیب قید ایتدی.