تورکیه ده کوپلب قاچاق مهاجر غرق بولیشدن قوتقریلدی

تورکیه نینگ موغلا ولایتی بودروم تومنیده 33 نفر قاچاق مهاجر دینگیزده غرق بولیشدن قوتقریلدی. عینی دمده 67 نفر قاچاق مهاجر اوشلندی. 

تورکیه جمهوریتی قیرغاق خوفسیزلیک قوماندانلیگی انترنت سایتیده بیریلگن بیاناتگه کوره, بودروم تومنیده کیچیک بیر قییق ایچیده قاچاق مهاجر لرنینگ موجود ایکن لیگی بیلن علاقه لی معلومات قولگه کیریتیلیشی آرتیدن منطقه گه قیرغاق خوفسیزلیک کیمه سی یوباریلدی.

تیم لر, یونان تامانیدن تورکیه طرفی گه هیده ب یوباریلگن 33 نفر قاچاق مهاجر نی غرق بولیشدن قوتقریب آلدی.  اوشبو قوتقریلگن قاچاق مهاجر لرنینگ 12 نفری نینگ باله ایکن لیگی معلوم قیلیندی. 

عینی دمده خوددی شوو تومن نینگ اوزیده فرقلی وقت لرده توپلم 67 نفر قاچاق مهاجر اوشلندی.  اوشلنگن اوشبو قاچاق مهاجر لرنینگ 13 نفری نینگ باله ایکن لیگی بیلدیریلدی.  مذکور قاچاق مهاجر لر بیلن بیرگه قاچاقچی ایکن لیگی اویلنگن ینه 2 نفر هم اوشلندی. 

قاچاقچی ایکن لیک لری اویلنگن 2 کیشی قولگه آلینرایکن, قاچاق مهاجر لر ایسه ولایت مهاجرت اداره سی گه تاپشیریلدی.