تورکیه ده فوتبال اوچره شوولری آلدی فلسطین اوچون حرمت توختاوی بولیب اوته دی

تورکیه فوتبال فدراسیونی فلسطین بیلن بیرملیک اوچون فوتبال اوچره شوولری آلدی بیر دقیقه لیک حرمت توختاوی و فوتبالچیلرنینگ ساحه گه قوللریگه قاره بند تاقیب چیقیشیدن خبر بیردی.

غزه ده گی توقنه شوولر فلسطین مقاومت اردوسی حماس تامانیدن 7 اکتوبرده الاقصی سیل عملیاتی باشله تیلیشی بیلن یوزبیرگندی.

 تورکیه فوتبال فدراسیونی جاری هفته ده بولیب اوته دیگن فوتبال اوچره شوولری آلدی فلسطین اوچون بیر دقیقه لیک حرمت توختاوی عملگه آشیریلیشینی بیلدیردی.

فدراسیون شونده ی بولیب فوتبالچیلرنینگ میدانگه قوللریگه قاره بند تاقیب چیقه جگینی معلوم قیلدی.

2007 ییلیدن بیر اسرائیل محاصره سی و بمباردمانی آستیده بولگن غزه ده گی اوروش فلسطینلیک تشکیلات حماس نینگ حربی ترماغی قسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیردی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب باردی.

الاقصی سیل عملیاتی راکت هجوملری قاله ویرسه ییر، دینگیز و هوا  یولی آرقه لی کیریش حرکتلرینی هم اوزایچی گه آلگن کوپ تامانلی بیراق کوتیلمه گن بیر هجوم ایتیب ریجه لندی.

حماس بو عملیات نینگ مسجد اقصی مسجدی گه آلیب باریلگن هجوم گه و اسرائیل مسکونیلرنینگ فلسطینلیکلرگه قره ته تاباره خشونت گه قول اوریشی گه جواب اوله راق باشله تیلگن لیگینی بیلدیردی.

7 اکتوبرده گی حماس هجومیدن کیین اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلدی.

یوزبیرگن خوددی شو اوروشده ایککی تاماندن مینگلب کیشی جان بیرگن وضعیتده.