ایردوغان نینگ اسرائیل - حماس اورته سیده گی بحرانگه تیگیشلی بیاناتی دنیا میدیاسیده اورین آلدی

حماس نینگ عملیاتلری نینگ آرتیدن اسرائیل نینگ هجوملری دوام ایترکن جمهور باشلیغی رجب طیب ایردوغان نینگ بیاناتلری دنیا مطبوعاتیده کینگ اورین آلماقده.

ایردوغان نینگ چقیریغینی خواننده لریگه ییتکیزگن گزیته لر تورکیه نینگ تینچلیک اوچون واسطه چی بولگن لیگینی یازدی.

امریکا قوشمه ایالتلریدن وال ستریت ژورنال گزیته سی؛ "ایردوغان تورکیه نینگ محکوم المه شووی توغریسیده مذاکره لرگه یاردم بیریش گه علاقه سی بارلیگینی ایتدی." دیگن سرلوحه بیردی.

آلمان تاگیسشاو گزیته سی، "تورکیه، اسرائیل ده گی اوروشده واسطه چیلیک قیلیش گه تیار." دیب بیرگن خبرده "ایردوغان اسرائیل گه فلسطین منطقه لرینی بمباردمان قیلیش نی توخته تیشی و فلسطینلیکلرنی هم ملکی اسرائیل تورر جایلریگه قره ته هجوملرنی توخته تیشی اوچون چقیریق قیلماقده. تورکیه غزه نواریگه انسانی یاردم تیارله گن لیگینی افاده ایتماقده." دیب یازدی. گزیته ایردوغان نینگ "مستقل حاکم بیر فلسطین دولتی بولمه ی منطقه ده تینچلیک بولمه یدی." دیگن گپلریگه اورین بیردی.

یونان کتهمرینی گزیته سی ایسه "ایردوغان اسرائیل و حماس نی موازنلشتیریش گه اورونماقده." سرلوحه سینی بیردی. خبرده ایردوغان نینگ " اسرائیل کوچلری و مسکونیلرنینگ غزه خلقی گه قره ته هجوملریگه، قتللریگه و ظلمی گه قرشی بولگنیمیزدیک، اسرائیللیک تینچ اهالی گه قره ته هجوملرگه هم مخالف میز." دیگنلریگه اورین بیردی.

المونیتور گزیته سی هم اسرائیل – حماس اوروشی کوچه ییب باررکن تورکیه دن ایردوغان معتدل بیر یانداشوو ایچیده" سرلوحه سی بیلن خبر بیردی.

جاپان ده گی NHK میدیا ارگانی "ایردوغان تورکیه نینگ اسرائیل – حماس توقنه شوویده واسطه چیلیک قیلیش گه تیار ایکن لیگینی ایتدی" دیدی.

العربیه نشرات ارگانی هم "جمهور باشلیغی ایردوغان فلسطینلیکلرگه اسرائیللیکلرگه قره ته «هجوملرنینگ سونگگی راپورلرینی» و غزه ده توقنه شوولر کوچه ییب باررکن ایککی تامان نینگ هم اوروش قاعده لریگه حرمت قیلیشینی ایتدی." جمله لریگه اورین بیردی.

CNN میدیا ارگانی یونان، ایردوغان اسرائیل دن فلسطین توپراقلریگه قره ته بمبماردمان نینگ اداغگه ییتکیزیشینی فلسطینلیکلردن هم اسرائیل مسکونیلریگه قره ته هجوملرنی توخته تیشینی خواهله یدی." دیب بیردی.

تایم آف اسرائیل گزیته سی هم "ایردوغان اسرائیل جمهور باشلیغی ایزیک هرزوگ گه غزه گه عمومی جزا بیریلمس لیگی کیره ک لیگینی ایتدی." دیدی.