ایردوغان نینگ اسرائیل - حماس اورته سیده گی بحرانگه تیگیشلی بیاناتی دنیاده عکس ایتدی

تورکیه جمهور باشلیغی رجب طیب ایردوغان نینگ اسرائیل – فلسطین توقنه شووی نینگ اداغگه ییتکیزیلیشی بوییچه چقیریغی دنیا مطبوعاتیده کینگ اورین آلدی.

جمهور باشلیغی ایردوغان توناون کونی اسرائیل – فلسطین بحرانی گه تیگیشلی "تورکیه نینگ توقنه شوولرنینگ تیزده توخته لیشی، سونگگی حادثه لر بیلن تاباره کوپه ییب بارگن بحران نینگ کمه یشی اوچون قولیدن کیلگن نی قیلیش گه تیار بوله جگینی" تیلگه آلگندی.

فلسطین مسئله سی نینگ خلق ارا قانون گه ماس ییچیلیشی کیره ک لیگینی تاکییدله گن ایردوغان جنابلری،

"میدانگه الو تشلش نی تینچ اهالی قاله ویرسه هیچ کیم گه بیر فایده سی یوق." دیگندی.

ایردوغان نینگ بو چقیریغی دنیا مقیاسیده انعکاس قیلدی.

انگلیس دی سندی تایمز گزیته سی "تورکیه بحران نینگ کمه یتیریلیشینی تکلیف ایتدی" سرلوحه سی بیلن ایردوغان نینگ چقیریغینی بیردی.

خبرده جمهور باشلیغی ایردوغان نینگ اسرائیل و حماس نی «تینچلیک نی قوللب قوتلش گه» و تینچ اهالی گه ضرر ییتکیزیشدن قول تارتیش گه چقیریق قیلگن لیگی اورغولندی.

خبرده "هم اسرائیل همده مسلمان عالمیده نفوذی بولمیش کم سانده گی دولتدن بیرته سی بولمیش تورکیه، توقنه شوونینگ کمه یتیریلیشی گه باردمچی بولیش نی تکلیف ایتدی." دییلدی.

ایردوغان نینگ منطقه ده بحران نینگ کمه یتیریلیشی گه تیگیشلی چقیریغی آلمان مطبوعاتیده هم اورین آلدی.

فرانکفورتر آلگمینه گزیته سی ایردوغان نینگ "برچه تامانلرنی اعتدال بیلن حرکت قیلیش گه و بحران نی کوپه یتیرووچی آدیملردن اوزاق توریش گه چقیره میز." دیگن لیگینی سرلوحه ده بیردی.

آلمان NTV کانالی هم انترنیت سایتیده گی خبریده تورکیه جمهور باشلیغی نینگ بیاناتینی "ایردوغان اورته شرقده تینچلیک نینگ شرطلرینی بیان ایتدی." سرلوحه سی بیلن بیردی.

یونان آتن خبر آژانسی هم "ایردوغان اسرائیل بیلن حماس نی تینچلیک نی قوللب – قوتلش گه چقیره دی." دیب بیردی.