تورکیه جمهور باشلیغی ایردوغان آذربایجان گه تشریف بیوردی

تورکیه جمهوریتی جمهور باشلیغی رجب طیب ایردوغان آذربایجان جمهور باشلیغی الهام علی یف نینگ دعوتی گه بناً بیر کون اوچون نخجوان گه تشریف بیوردی.

جمهور باشلیغی ایردوغان نخجوان قونلغه سیده علی یف تامانیدن رسمی مراسم آرقه لی کوتیب آلیندی.

کیین ایردوغان بیلن علی یف نخجوان خودمختار جمهوریتی یوکسک مجلسی گه اوتدی. ایککی رهبر بوجایده یوزمه یوز ملاقات قیلدی.

خوددی شو اوچره شووده تورکیه – آذربایجان اورته سیده گی اوزارا مناسبت، قاره باغده گی سونگگی ینگیلیکلر قاله ویرسه کون ترتیبیده گی منطقوی و گلوبال مسئله لر تیلگه آلیندی.

رهبرلر قاشیده ایککی اولکه اورته سیده تورلی ساحه لرده 3 ته کیلیشووگه قول قوییلدی.

ایککی رهبر کیین مشترک مطبوعاتی کنفرانس اویوشتیردی.

ایردوغان،

"ایغدیر – نخجوان طبیعی گاز قووری لایحه سی آذربایجان بیلن انرژی ساحه سیده گی شر یکلیگیمیزنی تاباره کوچه یتیره دی. شونده ی بولیب اروپانینگ انرژی عرض ساحه سیگه هم حصه قوشه دی." دیدی.

قاره باغده گی انتی ترور عملیاتی گه دقت تارتگن ایردوغان جنابلری آذربایجان نینگ ارمنی کوچلرگه قرشی قولگه کیریتگن یوتوق بیلن بیرگه لیکده منطقه ده کینگ کولملی بیر نورماللشوو اوچون ینگی فرصت ایشیکلری آچیلگن لیگینی معلوم قیلدی.

تورکیه جمهور باشلیغی،

"ارمنستان نینگ اوزه تیلگن تینچلیک قولدن توتیشینی و صمیمی آدیم آتیشینی کوتماقده میز." دیب ایتدی.

الهام علی یف هم،

"تورکیه بیلن بیربیریمیزنی قوللب – قوتلب منطقوی موضوعلرنی توغری استقامت سری باشقرماقده میز. منطقه ده تینچلیک و برقرارلیک اورنه تیلسین، اوروش بولمه سین دییمیز." دیب ایتدی.

ایردوغان بیلن علی یف نینگ نخجوان حربی مرکزی نینگ آچیلیشینی عملگه آشیریشلری هم کوتیلماقده.