تورکیه جمهور باشلیغی ایردوغان بیر قطار اوچره شوو اوتکزدی

بیرلشگن ملتلر تشکیلاتی نینگ 78- عمومی کینگشی اوچون امریکا قوشمه ایالتلریگه تشریف بیورگن تورکیه جمهور باشلیغی رجب طیب ایردوغان تورک اوییده اوچره شوولر اوتکزماقده.

جمهور باشلیغی ایردوغان ناتو باش منشیسی ینس ستولتنبرگ نی قبول قیلیب اوچره شدی.

ایردوغان اجتماعی ترماق آرقه لی بیرگن بیاناتده شولرنی ایتدی:

" بیرلشگن ملتلر تشکیلاتی نینگ 78- عمومی کینگشیده ناتو باش منشیسی ینس ستولتنبرگ بیلن اوچره شدیک. کون ترتیبیمیزده گی منطقوی و گلوبال موضوعلرنی بهالندیردیک. هردایم بولگندیک ناتو وظیفه لریگه اینگ کوپ کمک بیرگن اولکه لردن بیرته سی بولیش گه دوام ایته میز." دیدی.

ایردوغان شونده ی بولیب پولند جمهور باشلیغی اندریج دوده بیلن هم ملاقات قیلدی.

ایردوغان دوده بیلن اوتکزگن اوچره شووی حقیده؛

" پولند جمهور باشلیغی اندریج دوده بیلن هم تورک اوییده اوتکزگن ملاقاتده اوزارا مناسبتیمیز قاله ویرسه منطقوی موضوعلرنی هم تیلگه آلیش گه فرصت تاپدیک. حرمتی دوده بیلن اوچره شوویمیز اولکه میز و منطقه میزگه خیرلرگه وسیله بولیشینی تیله یمن." دیب ایتدی.

جمهور باشلیغی ایردوغان عین دمده الجزایر جمهور باشلیغی عبدالمجید تبون بیلن هم اوچره شدی.

جمهور باشلیغی ایردوغان اجتماعی ترماق x آرقه لی "دوست و قرداش الجزایر جمهور باشلیغی عبدالمجید تبون بیلن تورک اوییده اوچره شدیک. قدیم مناسبتیمیز بولگن الجزایر بیلن همکارلیگیمیزنی تورلی ساحه ده کوچه یتیریش گه دوام ایته میز." دیب ایتدی.

تورکیه جمهور رئیسلیک علاقه باشقرووی تامانیدن بیریلگن بیاناتده خوددی شو اوچره شووده ایککی اولکه اورته سیده گی سیاسی و اقتصادی مناسبتلر قاله ویرسه بیرلشگن ملتلر تشکیلاتی نینگ کون ترتیبیده گی موضوعلر بیلن منطقوی و گلوبال موضوعلر بهالندیرریلگن لیگی شونده ی بولیب افریقاده گی بحرانلر و ایککی اولکه نینگ ییچیم تکلیفلری هم تیلگه آلینگن لیگی قید ایتیلدی.