جمهور باشلیغی ایردوغان بیلن دولت ییتکچیلری آتاتورک نینگ قبرینی زیارت ایتدی

30 اگست ظفر بیره می نینگ 101 – ییل لیگی مناسبتی بیلن تورکیه ده و چیت ایلده پروگراملر اوتکزیلماقده.

اوشبو پروگراملر دایره سیده پایتخت انقره ده دستلبکی مراسم اولوغ رهبر مصطفی کمال آتاتورک نینگ مقبره سی جایلشگن آبده قبرده اوتکزیلدی.

جمهور باشلیغی رجب طیب ایردوغان نینگ باشچیلیگیده گی دولت ییتکچیلری 30 اگست ظفر بیره می مناسبتی بیلن آبده قبرنی زیارت قیلدی.

ایردوغان نینگ مقبره گه آی یولدوزلی گل قوییشی نینگ آرتیدن حرمت توختاوی بولیب اوتدی و مستقللیک مدحیه سی اجرا ایتیلدی.

جمهور باشلیغی ایردوغان بیلن دولت و دولت ییتکچیلری میثاق ملی بولیمی گه اوتدی.

ایردوغان جنابلری بوجایده آبده قبر کتابچه سیگه قول قوییب شولرنی یازدی:

"عزیز آتاتورک، سیز تورک ملتی نینگ ایرکینلیک و مستقللیک توشونچه سی نینگ ابدی آبده سی دیب تعریف قیلگن بویوک ظفرنینگ 101 ییل لیگی گه ییتیب باریش نی فخر بیلن کوتیب آلماقده میز. شرفلی تاریخیمیزنینگ اینگ حساس نقطه سی بولمیش بوگون نی هم سیز عالی جنابنی، قوراللی اورتاقلرینگیزنی، بویوک ملت مجلسی نینگ ممتاز اعضالرینی و عزیز شهیدلریمیزنی رحمت بیلن یاد ایته میز. زمانوی مدنیتلر درجه سیدن یوقاریگه کوتریلیش مقصدیمیز رمزیگه ایلنگن تورکیه عصری غایه میزنی دولت – ملت قولمه قول بولیب بویوک بیر اورونیش و قرارلیلیک بیلن عملی قیله میز. اولکه میزنی هدفلری، ملتیمیزنی هم عصرلیک آرزولریگه ییتکیزونچگه قدر کیچه کوندوز تینمه ی اورونیش گه دوام ایته میز. خدای تعلی مغفرت قیلسین."  

آبده قبر دولت مراسمی نینگ آرتیدن خلق اوچون زیارت گه آچیلدی.

جمهور باشلیغی ایردوغان ایسه جمهور رئیسلیک مجتمعیده 30 اگست ظفر بیره می مناسبتی بیلن قوتلاوچیلرنی کوتیب آلدی.