بوگون تورکیه ده ظفر بیره می نینگ 101 – ییل لیگی ایتیب نشانلنماقده

"یا استقلال، یا اولیم" شعاری بیلن چیقیلگن یولده یونان اردوسی بویوک بیر مغلوبیت گه اوچررکن 101 ییل آلدین بوگون قولگه کیریتیلگن بو ظفر بیلن تورک ملتی نینگ قسمتی تعیین بولدی.

اناطولی نینگ اشغال ایتیش نینگ ممکن ایمس ایکن لیگی برچه دنیاگه کورستیلدی و تاریخ گه دنیانینگ اینگ بویوک قهرمانلیک داستانلریدن بیری ثبت بولدی.

تورک اولوسی، قانی بیلن، آتش بیلن، برچه (میلتیق پیچاغی) بیلن ظفر سری یول آلدی. ایککی تامان هم آغیر تلفات بیرگن سکاریا میدان حربی، قوتیلیش اوروشی نینگ حساس باسقیچلریدن بیرته سی ایدی.

قولگه کیریتیلگن بو ظفردن کیین توخته تیلگن دشمن اردوسینی بوتونله ی یورتدن چیقریب تشلش اوچون تیارگرلیکلر باشله دی.

باش قومندان مصطفی کمال 1922 – ییلی 26 اگستده بویوک تعروض گه باشله دی.

شونده ی بولیب 27 اگستده آفیون قاره حصار، 30 اگستده کوتاهیا، سپتامبرده ایمیت و تاووشقانلی دشمن اشغالیدن قوتقریب آلیندی. تورک اوردوسی 9 سپتامبرده یونان اردوسینی دینگیزگه توکیب تشلرکن مصطفی کمال پاشانینگ بویروغینی یوتوقلی بیر شکلده بجا کیلتیردی.

حربی کوچ بیلن قبول قیلدیرماقچی بولگن ثور کیلیشووی، حرب ساحه سیده ییرتیلگن بولدی. لوزان تینچلیک کیلیشووی نینگ بولیب اوتیشینی تامین ایتدی. تورکیه میثاق ملی (ملی چیگره لر) جغرافی هدفلرگه ایریشدی.