آلبانیا باش وزیری ایدی راما جمهور باشلیغی ایردوغان بیلن ستراتیژیک شریکلیکلری بارلیگینی بیلدیردی

آلبانیا باش وزیری ایدی راما تورکیه جمهور باشلیغی رجب طیب ایردوغان بیلن ستراتیژیک شریکلیک کیلیشووی بارلیگینی ایتدی.

یونان میدیاسیگه بیانات بیرگن راما اولکه سی نینگ تورکیه بیلن یونان اورته سیده گی مناسبتلری قاله ویرسه تورلی موضوعلرنی تیلگه آلدی.

راما تورکیه جمهور باشلیغی ایردوغان بیلن ستراتیژیک کیلیشوویمیز بار بیراق جمهور باشلیغی ایردوغان ویا (یونان باش وزیری) کیریاکوس میچوتاکیس اورته سیده و یونان بیلن تورکیه اورته سیده بیرینی ترجیح ایتیشیمیزگه کیره ک یوق دیب اویله یمن. بیز ایککیسینی هم سیوه میز. سیزنینگ بیر - بیرینگیزنی اونچه لیک یاقتیرمسلیگینگیز اوچون ایکاوینگیزنی جوده یخشی کوریشیمیز بیز اوچون معما بولمسه کیره ک. " دیب ایتدی.

آلبانیا بیلن یونان اورته سیده گی دینگیز صلاحیت ساحه سی موضوعی گه هم تماس قیلگن ایدی راما،

"جمهور باشلیغی ایردوغان بو توغریده نیمه ینگیلیک بارلیگی خصوصیده هیچ بیر نرسه سوره گن یوق. اصلا. هیچ بیر پیتده. کوره شلرینی آلیب باریش اوچون اونینگ (جمهور باشلیغی ایردوغان) نینگ آلبانیاگه احتیاجی یوق دیر." دیب دایتدی.

تورکیه جمهور باشلیغی ایردوغان نینگ یونان گه مخالف ایمس ایکن لیگینی تاکییدله گن راما،

"شونی یخشی بیلگه نینگیزگه ایشانه من: جمهور باشلیغی ایردوغان باش وزیرلیک پیتیده هم قبرس توغریسیده میزگه بیر کیلیشوو قوییش جسارتی بولگن بیر کیشی دیر. ایسینگیزگه بولسه انقره ده گی مقامی اوچون جوده ریسکلی بیر نرسه ایدی و او بونی قیلدی." دیب ایتدی.

راکا شولرنی ایتدی:

"یونان دوچ قالگن آغیر بحران جریانیده (جمهور باشلیغی ایردوغان نینگ) بو وضعیتدن استفاده ایتیب حادثه نی تاباره آغیرلشتیرگن لیگینی کورمه دیم چونکه یوناننی ییر بیلن بیر قیلیب تشله ماقچی بولسه ایدی ویا یونان نی ییر بیلن بیر ایتیش نیتی بولسه ایدی او وضعیتدن استفاده ایتیب مهاجرلردن استفاده قیلیب بحراننی تاباره اچیق وضعیت گه ایلنتیریشی ممکن ایدی، بیراق بونی قیلمه دی. حقیقتاً مین اونده (جمهور باشلیغی ایردوغان) هیچ بیر پیتده یونانگه و یونان خلقی گه یمان تویغولری بولگن بیر شخصیت سیزمه دیم." دیدی.