تورکیه جمهور باشلیغی ایردوغان بیرلشگن ملتلر تشکیلاتی تینچلیک کوچینی قتّیق قاره له دی
جمهور باشلیغی ایردوغان تینچلیک کوچیدن کوتگنلری نینگ آرالده گی برچه تامانلرنینگ انسانی کمچیلیکلری نینگ ییچیمی گه حصه قوشیشی ایکن لیگینی ایتدی
تورکیه جمهوریتی جمهور باشلیغی رجب طیب ایردوغان بیرلشگن ملتلر تشکیلاتی تینچلیک کوچی حربیلری شمالی قبرس تورک جمهوریتی نینگ حاکمیت ساحه سیده گی توپراقلرگه فزیکی مداخله گه قول اوروشی نینگ تورکیه جهتیدن قبول ایتیشی ممکن بولمه گن بیر وضعیت ایکن لیگینی ایتدی.
جمهور باشلیغی ایردوغان توناون کونی پایتخت انقره ده جایلشگن جمهور رئیسلیک مجتمعیده گی کابینه جلسه سی نینگ آرتیدن ملت گه خطاب قیلدی.
بیرلشگن ملتلر تشکیلاتی تینچلیک کوچی حربیلری نینگ انسانی کمچیلیکلرنینگ برطرف ایتیلیشیده حصه قوشه دیگن پیله یولی پروژه سی گه توسیق بولیش اورونیشی گه تیگیشلی،
" بیرلشگن ملتلر تشکیلاتی تینچلیک کوچی حربیلری شمالی قبرس تورک جمهوریتی نینگ حاکمیت ساحه سیده گی توپراقلرگه فزیکی مداخله گه قول اوروشی نینگ تورکیه جهتیدن قبول ایتیشی ممکن بولگن بیر وضعیت ایمس دیر." دیدی.
پیله قیشلاغیده اقامت قیلووچی قبرس تورک اهالیسی نینگ اوز وطن توپراقلریگه ییتیب باریشی گه توسیق بولیش نینگ حقوقی و انسانی بولمه گن لیگینی تاکییدله گن ایردوغان جنابلری،
"تینچلیک کوچی، قیشلاقلرگه فزیکی مداخله سی قاله ویرسه مداخله نینگ آرتیدن بیرگن بیاناتلری بیلن طرفسیزلیک اعتبارینی قولدن بیرگن دیر. افسوسکی خلق ارا قانون گه ماس بولمه گن بو یانداشوولر طفیلی منطقه ده بحران کوپه ییب بارگن دیر. قوشنیلریمیز بیلن مناسبتلریمیزنی اوزارا کوچه یتیریش گه و اورته میزده گی معمالرنی برطرف ایتیش گه اورونگن بیر پیتده قول اوریلگن بو مداخله نی اصلاً یخشی نیت دیب کورمه یمیز" دیب ایتدی.
جمهور باشلیغی ایردوغان تینچلیک کوچیدن کوتگنلری نینگ برقرارلیک نی برهم اورووچی یانداشوولرنینگ اورنیده آتیگه یره شگن آرالده گی برچه تامانلرنینگ انسانی کمچیلیکلری نینگ ییچیمی گه حصه قوشیشی ایکن لیگینی بیلدیردی.
