ایردوغان بیلن پوتین اوزارا سوزلشوو اوتکزدی

جمهور باشلیغی رجب طیب ایردوغان بیلن روسیه دولت باشلیغی ویلادیمیر پوتین اوزارا تیلفون سوزلشووی اوتکزدی.

تورکیه جمهوریتی جمهور رئیسلیک علاقه باشقرووی تامانیدن بیریلگن بیاناتده ایردوغان بیلن پوتین نینگ تیلفون سوزلشووی اوتکزگن لیگی بیلدیریلدی.

سوزلشووده ایککی دولت رهبری نینگ پوتین نینگ تورکیه گه تشریفی توغریسیده کیلیشیب آلگن لیگی معلوم قیلیندی.

تورکیه نینگ اورمان یانغینلریگه قرشی کوره شی اوچون روسیه تامانیدن جونه تیلگن 2 ته یانغین اوچیرووچی اوچاق اوچون کسبداشیگه منتدارلیک بیلدیرگن ایردوغان روس سیاحلرنینگ هم تورکیه گه کورستگن علاقه سی طفیلی ممنونیتینی شونده ی بولیب مشترک اورونیشلر نتیجه سیده توریزم توغریسیده ریکورد اورنه تیش گه بولگن ایشانچینی تیلگه آلگن لیگی قید ایتیلدی.   

میلادی 2022 ییلی 24 فبروریدن بیری دوام ایتیب تورگن روسیه – اوکراین اوروشیده بحران نی کوپه یتیرووچی آدیملر نی آتیلمه یشی کیره ک لیگینی افاده ایتگن ایردوغان جنابلری "تینچلیک کوپریگی" ایتیب اته گن قاره دینگیز تشبثی نینگ اهمیتی گه دقت تارتگن.

قاره دینگیز تشبثی نینگ اوزاق مدت فعالیتدن قالیشی نینگ هیچ کیم نینگ فایده سیده ایمس ایکن لیگی، اینگ کوپ حبوبات گه احتیاجی بولگنلرگه سلبی تاثیر قالدیره جگی گه دقت تارتگن ایردوغان جنابلری اوشبو تشبث پیتیده 23 فایز سویه سیگه توشگن حبوبات نرخی نینگ سونگگی ایککی هفته ده 15 فایز کوپه یگن لیگینی معلوم قیلدی.

ایردوغان تورکیه نینگ قاره دینگیز تشبثی نینگ دوام ایتیشی اوچون کوچلی اورونیش و دیپلوماسی فعالیتی آلیب باریش گه دوام ایته جگینی قید ایتگن.