دنمارک بیلن سویدن قرآن کریم گه حرمتسیزلیک نینگ ضرر لرینی کوره باشله دی

تورکیه جمهوریتی تشقی ایش لر وزیری هاکان فیدان, دنمارک و سویدن ده قرآن کریم گه قیلینگن حرمتسیزلیک نینگ ضررلرینی اوشبو ایکّی اولکه نینگ کوره باشله گن لیگی نی معلوم قیلدی.

فیدان, پایتخت انقره ده آذربایجان تشقی ایش لر وزیری جیحون بیره م اف بیلن ترتیب له گن اورتاق مطبوعاتی کنفرانسیده, قرآن کریم گه قیلینگن حرمتسیزلیک لر بیلن علاقه لی اوچره شوو لر نینگ دوام ایتیاتگن لیگینی بیلدیردی. 

مسلمان اولکه لر بیلن همکارلیک لری نینگ دوام ایتیاتگن لیگینی بیلدیرگن فیدان, اوز سوز لرینی قوییده گیچه دوام ایتدیردی:

"تورکیه نینگ آلیب باریاتگن دیپلماتیک فعالیت لرنینگ جدی بیر شکلده انسان لرنینگ آنگی نی آچیب قنده ی بیر ییچیم یولی نینگ تاپیلیشی بوییچه الگو بولگن لیگینی اویله ماقده میز.  مهم بولگن نرسه اسلام همکارلیک تشکیلاتی اعضاسی اولکه لرنینگ اورتاق فعالیت یوریتیش گه دوام ایتیشلری دن عبارت. اسلام همکارلیک تشکیلاتی بوگون انترنت آرقه لی ییغیلیش اوتکزه دی. اوشبو ییغیلیشده مین هم اشتراک قیله من.  اوشبو موضوع نینگ قنچه لیک مهم ایکن لیگی قرشی تامان لر طرفیدن درک ایتیلماقده.  دنمارک بیلن سویدن اوشبو تحریک لرنینگ ضرر لرینی کوره باشله دی.  اوشبو دایره ده کیره کلی قدم لر نی تشلش گه دوام ایته میز". 

بیره م اف هم, قرآن کریم گه حرمتسیزلیک بیلن علاقه لی, "مسلمان لرنی خفه قیلیاتگن بو حرکت لرنی قاره له یمیز" دییه قید ایتدی.