تورکیه جمهور باشلیغی بیلن بیرلشگن عرب امیرلیکلری دولت باشلیغی اوزارا اوچره شدی

تورکیه بیلن بیرلشگن عرب امیرلیکلری اورته سیده توپلم 50،7 میلیارد دالرلیک کیلیشووگه قول قوییلدی.

تورکیه جمهوریتی جمهور باشلیغی رجب طیب ایردوغان کورفز توری دایره سیده بیرلشگن عرب امیرلیکلری دولت باشلیغی شیخ محمد بن زاسد آل نهیان تامانیدن رسمی مراسم آرقه لی کوتیب آلیندی.

ایردوغان بیلن آل نهیان الوطن سراییده گی مراسم نینگ آرتیدن هیاتلر ارا اوچره شوولرگه باشچیلیک قیلدی.

ایردوغان اوشبو اوچره شووده قیلگن صحبتیده ایککی اولکه اورته سیده قول قوییله دیگن مشترک کیلیشوو متنی بیلن مناسبتلرنینگ ستراتیژیک شریکلیک سویه سیگه بارگن بوله جگینی بیلدیردی.

ایردوغان 25-28 جولای تاریخلریده استانبول ده بولیب اوته دیگن خلق مدافعه صنایعی کورگزمه سی بیلن بو اوزارا همکارلیک نینگ ایلگری آلغه باره جگینی معلوم قیلیب ابو ظبی خلق ارا کتاب کورگزمه سی گه شرف مهمان ایتیب دعوت ایتیلگن لیگی طفیلی منتدارچیلیک بیلدیردی.

ایردوغان جاری ییلده ابو ظبی ده تورک مدنیت مرکزی نینگ آچیلیشینی قیلیب بو مناسبت نی تیپه گه چیقرماقچی ایکن لیکلرینی تیلگه آلدی.

صحبتلرنینگ آرتیدن تورکیه بیلن بیرلشگن عرب امیرلیکلری اورته سیده توپلم 50،7 میلیارد دالرلیک سرمایه کیریتیش، اقتصاد، صنایع، مدافعه، حقوق، قضا، قیته تیکلنه دیگن انرژی و فضا صنایعی ساحه لریده 13 ته کیلیشووگه قول قوییلدی.

آل نهیان اوچره شوونینگ آرتیدن جمهور باشلیغی ایردوغان گه "زاید دولت نشانی" تفویض ایتدی.

ایردوغان بیلن آل نهیان جاری ییلده بیرلشگن عرب امیرلیکلریده اویوشتیریله دیگن بیرلشگن ملتلر تشکیلاتی اقلیم اوزگریشی کنفرانسی گه خاص تیارلنگن قوللیک نی تاقیب تصویرگه توشدی.

آل نهیان ایردوغان نی کنفرانس گه دعوت ایتدی.

جمهور باشلیغی ایردوغان آل نهیان گه تورکیه ده ایشلب چیقریلگن وطنی اتوموبیل آق رنگده توگ موتر تحفه ایتیب بیردی.

آل نهیان آق رنک ده گی توگ موترگه اولتیریب الوطن سراییدن چیقیب ایردوغان بیلن بیرگه لیکده ابو ظبی جاده لریده کیزدی.

کیین جمهور باشلیغی ایردوغان نی هوتل گه ییتکیزیب ینه توگ موتری آرقه لی قیتیب کیلدی.