اردوغان رسماً جمهوررئیس صفتیده وظیفه گه باشله دی

ایکّینچی دوری 28- می کونی بولیب اوتگن جمهوررئیسلیک سیلاویده ینه جمهوررئیس ایتیب سیلنگن رجب طیب اردوغان, تورکیه جمهوریتی پارلمانیده قسم یاد قیلیب وظیفه گه باشله دی. 

پارلمان نینگ اوتکینچی باشلیغی صفتیده ییغیلیش نی باشلتگن ملیتچی حرکت حزبی نینگ رهبری دولت باغچه لی, آلدین اردوغان گه جمهوررئیس اوله راق وظیفه گه باشله شی بیلن علاقه لی رسمی سندی نی تقدیم ایتدی. کیین جمهوررئیس اردوغان عمومی کینگیشده قسم یاد قیلدی. 

شونده ی قیلیب, جمهوررئیس اردوغان میلادی 2028- ییل گه قدر دوام ایته دیگن جمهوررئیسلیک وظیفه سی گه باشله گن بولدی. 

اوشبو توغریده تورکیه جمهوریتی پارلمانیده بولیب اوتگن ییغیلیش گه قیزیقیش جوده کتته ایدی. 

ناتو عمومی منشی ینس استولتنبرگ, ونزوئلا دولت رهبری نیکولاس مادورو, آذربایجان جمهوررئیسی الهام علی اف و پاکستان باش وزیری شهباز شریف بیلن ارمنستان باش وزیری نیکول پاشینیان هم اوشبو ییغیلیش گه اشتراک قیلدی. 

قسم یاد قیلیش مراسمی گه سومالیا و الجزایر بیلن بالکان اولکه لری دن هم دولت باشلیق لری قتنشدی. 

مراسم گه بعضی اولکه لرنینگ تشقی ایش لر وزیرلری قتنشرایکن, امریکا قوشمه ایالتلری  نامیدن جمهوررئیس اردوغان نینگ قسم یاد قیلیش مراسمی گه ایلچی جیفری فلیک اشتراک قیلدی. روسیه تامانیدن فدرال مجلس دولت دوما باشلیغی ویاچیسلاو وولودین قتنشدی. 

جمهوررئیس اردوغان, بوگون تورکیه وقتی بیلن کیچقرون ساعت 19.00 ده چانکایه قصریده چیت ایللیک مهمان لر اوچون دعوت ترتیب له یدی.