عراق و سوریه نینگ شمالیده تورکیه نینگ عملیات لری دوام ایته دی

تورکیه جمهوریتی ملی مدافعه وزیری خلوصی آقر, عراق و سوریه نینگ شمالیده عملیات لرنینگ توخته مه یدیگن لیگینی بیلدیررایکن, اینگ سونگّی ترورچی یوق قیلینگونگه قدر خوددی شوو عملیات لرنینگ دوام ایته دیگن لیگینی معلوم قیلدی. 

آقر اوشبو مطلب نی تورکیه نینگ قیصری ولایتیده یاش لر بیلن علاقه لی بولیب اوتگن مراسمده قیلگن معروضه سیده بیلدیردی. 

خلوصی آقر, 40 ییلدن بیری معما بولیب کیلیاتگن تروریزم دن تورک خلقی نی نجات بیریش بوییچه قرارلی ایکن لیکلرینی معلوم قیلدی.

آقر, "حاضرگی کونده عراق و سوریه نینگ شمالیده ترورچی لر گه قرشی عملیات اویوشتیرماقده میز. بولرنینگ هیچ بیر نجات یوللری یوق.  یا اوله دی لر یاکه تسلیم بوله دی لر.  کیلیب تسلیم بولیشدن باشقه چاره لری یوق" دییه قید ایتدی. 

بولووچی ترور تشکیلاتی پ.ک.ک نینگ یوق بولیاتگن لیگینی معلوم قیلگن آقر, اوز سوز لرینی, "ترورچی لرنینگ سرکرده لری, بادارلری گه اِیلنماقده, اولر دن یاردم طلب ایتماقده, تورکیه قوراللی کوچلری نینگ عملیات لری نی توخته تیشی نی ایسته ماقده.  عراق و سوریه نینگ شمالیده عملیات لر توخته مه یدی.  اینگ سونگّی ترورچی یوق قیلینگونگه قدر کوره شی میز دوام ایته دی. ان شاءالله تورکیه قوراللی کوچلری ترورچی لرنی یوق قیله دی" شکلیده دوام ایتدیردی.