ایردوغان بیلن البرهان اوزارا سوزلشوو اوتکزدی

تورکیه جمهور باشلیغی رجب طیب ایردوغان سودان حاکمیت کینگشی باشلیغی جنرال عبدالفتاح عبدالرحمان البرهان بیلن تیلفون آرقه لی یوزلشوو اوتکزدی.

تورکیه جمهور رئیسلیک علاقه باشقرووی تامانیدن بیریلگن بیاناتگه کوره جمهور باشلیغی ایردوغان سوزلشووده سودان ده گی ایناغه اوروشیدن تلفات و یره لی سانی نینگ کوپه یشی طفیلی قیغولنگن لیکلرینی تیلگه آلگن.

تامانلرنینگ کینگ مذاکره لرگه باشلش قراری آلگن تقدیرده اوچره شوولرگه میزبانلیک قیلیش گه تیار ایکن لیکلرینی معلوم قیلگن ایردوغان جنابلری سودان خلقی نینگ عاجل احتیاج لرینی برطرف ایتیلیشی اوچون بیرلشگن ملتلر تشکیلاتی بیلن علاقه ده ایکن لیکلرینی افاده ایتگن.

سوزلشووده سودان ده گی تورک وطنداشلری نینگ تخلیه قیلینیشی و امنیتی بیلن تیگیشلی موضوعلر هم تیلگه آلینگن.

اولکه ده اردو بیلن تیزکار کمک کوچلری اورته سیده قریب بیر آیدن بیری دوام ایتیب تورگن توقنه شوولرده یوزلب کیشی جان بیردی.