تورکیه ده پطرول کانی تاپیلدی

تورکیه جمهوریتی جمهوررئیسی رجب طیب اردوغان, "ینگی بیر مژده نی سیز بیلن اورتاقلشماقچی من.  جودی و گابارده کونده لیک 100 مینگ بیرل تولید ظرفیتی گه ایگه پطرول کانی تاپدیک" دییه قید ایتدی. 

توناون تورکیه نینگ قونیه ولایتیده معروضه قیلگن جمهوررئیس اردوغان, دنیا ده ییرده گی اینگ کتته 10 کشف دن بیری نی اوتگن ییلده قیلگن لیکلرینی بیلدیررایکن, اوز سوز لرینی, "اولکه میزنینگ 5 الی 6 ییل آلدین تقریباً 40 مینگ بیرل بولگن کونده لیک تولید ظرفیتی کونده لیک 80 مینگ بیرل گه ییتدی. ایندی سیز گه ینه بیر مژده بیرماقچی من.  جودی گابارده کونده لیک 100 مینگ بیرل تولید ظرفیتی گه ایگه پطرول کانی تاپدیک.  جیزره دن 20 کیلومتر اوزاقلیکده اورین آلگن اوشبو پطرول کانی نینگ کیفیتی جوده یوقاری.  ییرنینگ 2 مینگ 600 متر تگیده تاپیلگن اوشبو پطرول کانیدن 100 قودوق قازیب کونده لیک 100 مینگ بیرل پطرول تولید قیله میز. دستلبکی قودوق دن آلینگن پطرول نی حاضردناق تصفیه مرکزی گه یوباره باشله دیک.  کونده لیک مصرفی میز نینگ تقریباً اونده بیر بولیمی نی بیرته گینه اوزی تامین ایته دیگن اوشبو پطرول کانی نینگ اولکه میز و ملتی میز اوچون خیرلی بوله دیگن لیگی گه ایشانه من" شکلیده دوام ایتدیردی. 

خوددی شوو منطقه دن ینگی مژده لر کوتیاتگن لیکلری نی بیلدیرگن اردوغان, "گابارده گی قودوققه بولووچی ترور تشکیلاتی تامانیدن شهید ایتیلگن اوقیتووچی میز آیبوکه یالچین نینگ آتی نی بیردیک.  اوشبو منطقه نینگ اوزیده کشف ایتیلگن کونده لیک 9 مینگ بیرل لیک تولید ظرفیتی گه ایگه باشقه قودوغی میز گه تورک عسکری شهید اسما چویک نینگ اسمی نی بیردیک.  ینگی ساحه میز آیبوکه یالچین 1 قودوغی میز نینگ موجود بولگن ساحه ان شاءالله اولکه میز نینگ همه نقطه لریده تولید ایتیلگن مقداردن کوپراق پطرول نی بیرته گینه اوزی تامین ایته دی.  شونده ی قیلیب حاضرچه کونده لیک 180 مینگ بیرل پطرول تولیدی بیلن اولکه میز نینگ انرژی مستقللیگی جهتی ده ینگی بیر قدم تشله گن بوله میز. ایندی کان لری میز نینگ توپلم ارزشی حقیده گپیرمه یمیز.  گابارده گی کان نینگ ارزشی میلیاردلب دالر دن عبارت.  قاره دینگیز ده گی گازی میز نینگ ارزشی هم یوزلب میلیارد دالر اوله راق بیلدیریلماقده" دییه قید ایتدی.