جمهور باشلیغی ایردوغان هسته ای کوچ سنترالی بیلن تیگیشلی پیام بیردی

جمهور باشلیغی رجب طیب ایردوغان آق قدوق هسته ای کوچ سنترالی گه ایلک یاقیلغیسی نینگ کیلتیریلگن لیگینی ایسله تیب رواجلنگن اولکه لر اوزاق ییللردن بیری ایش آلیب تورگن یشیل انرژی تکنالوجیسینی اولکه گه کیلتیرگن لیکلرینی ایتدی.

ایردوغان اجتماعی ترماق آرقه لی نشر قیلگن پیامیده یاشلرگه خطاب قیلیب تیناون کونی تورکیه نینگ 60 ییللیک آرزوسینی رویابگه چیقریش غرورینی باشدن کیچیرگن لیکلرینی و آق قدوق هسته ای کوچ سنترالی گه هسته ای یاقیلغی ییتکیزگن لیکلرینی بیلدیردی.

شونده ی بولیب سنترال نینگ "هسته ای تاسیس" وضعیتی گه ییتگن لیگینی تاکییدله دی.

ایردوغان جنابلری "آق قدوق هسته ای کوچ سنترالی ظرفیتی بیلن بوتونله ی ایشله گن تقدیرده بیر ییلده 35 میلیارد کیلوات ساعت برق تولید ایتیب اولکه میزنینگ برق تولید ظرفیتی نینگ 10 فایزیگه برابر بوله دی. هسته ای انرژی ساحه سیده مسلکی انسان منبعیمیز هم ییتیشگن بوله دی.

هسته ای سنترالیمیزنینگ اینگ بویوک فایده سینی انشالله سیز کوره سیز. سیز بیزنینگ نور دیده میزسیز، امیدیمیزسیز. سیزنی سیوه میز، سیزگه ایشانه میز، سیزنی آیدینلیک کیله جگیمیزنینگ معمارلری ایتیب کوره میز. تورکیه عصرینی بنا قیلگونچگه قدر سیز اوچون اورونیش گه دوام ایته میز" دیب ایتدی.