تورکیه ده گی ییر سیلکینیشیده یاردم گه کیلگنلرگه مدال بیریلماقده

تورکیه جمهور باشلیغی رجب طیب ایردوغان 6 فبروریده مرکزی قهرمانمره ش بولمیش ییر سیلکینیشی گه قرشی کوره ش نینگ رمزی بولگن تورکیه لیک و چیت ایللیک 55 مینگ کیشی گه دولت اوستون فداکارلیک مدالی و نشانی تقدیم ایتیلیشیدن خبر بیردی.

ایردوغان جمهور رئیسلیک مجتمعیده اویوشتیریلگن مراسمده قیلگن صحبتده آفتلرده اوستون خذمت قیلگنلرگه تورکیه گه باغلیق نشان آرقه لی منتدارچیلیک بیلدیره جکلرینی معلوم قیلیب ییر سیلکینیشی گه قرشی کوره ش نینگ رمزی بولگن تورکیه لیک و چیت ایللیک 55 مینگ کیشی گه دولت اوستون فداکارلیک مدالی و نشانی تقدیم ایتیلیشینی ایتدی.

"بیز هیچ کیم نینگ بیز یشه گن فلاکت نی یشه شینی خواهله مه یمیز. بیراق فلاکتلرنینگ حیات نینگ حقیقتی ایکن لیگینی هم اونوتمه یمیز" دیدی.

ایردوغان جنابلری اینگ قیینچیلیک چیککن وقتده تورکیه نینگ یانیده بولگنلرنی اونوتمسلیکلرینی یخشیلیک نی جوابسیز قالدیرمسلیکلرینی تاکییدله دی.

دنیانینگ 90 اولکه سیدن 11 مینگ 320 گروه نینگ تورکیه گه یاردم ایتگن لیگینی قید ایتدی.

ایردوغان "دنیانینگ تورت بورچگیده گی قرداشلریمیزنینگ دوعاسینی، یاردمینی کوردیک. بیز قرشیلیک کوتمه ی برچه نینگ یاردمی گه چاپگن بولسک اولر هم بیزنینگ یانیمیزده بولدی. قاره کون دوستلریمیزنینگ برچه سینی بیله میز. برچه یاردم ایتگنلرگه منتدارچیلیگیمیزنی تورلی شکلده کورستیش گه دوام ایته میز. بوگون بیریله یاتگن میدال و نشانلر اولکه میزنینگ صمیمی بیر منتدارچیلیگی دیر. 85 میلیون نینگ کونگلیده خاص بیر جای آلدینگیز. هربیرینگیز، فداکارلیکلرینگیز بیلن آتینگیزنی تاریخ گه ثبت قیلدینگیز. اعتقاد، تیل، مدنیت فرقلیلیگی بولگن حالده دردلریمیز مشترک ایکن لیگینی کورستدینگیز. نی بیز نی ده بنالرنینگ آستیدن چیقریب آلگن قرداشلریمیز بو اورونیشلرینگیزنی اونوتمه یدی" دیب ایتدی.

جمهور باشلیغی ایردوغان کیین دولت اوستون فداکارلیک مدالی و نشانی بیره یاتگن ایلک گروپ گه میداللرینی تقدیم ایتدی.