تورکیه - فینلند تشقی ایشلر وزیرلری اوزارا اوچره شوو اوتکزدی

تورکیه جمهوریتی تشقی ایشلر وزیری مولود چاووش اوغلی فینلند تشقی ایشلر وزیری پکا هاویستونی اولکه سی نینگ ناتوگه اعضالیک جریانینی اداغگه ییتکیزیشی طفیلی تبریک ایتدی.

ناتو تشقی ایشلر وزیرلری جلسه سی اوچون بلجیم نینگ پایتختی بروکسل گه تشریف بیورگن چاووش اوغلی بیلن هاویستو اوچره شوو اوتکزدی.

چاووش اوغلی تیوتر آدرسی آرقه لی قویگن پستده "بروکسل ده گی ایلک اوچره شوویمیزده ینگی متفقیمیز فینلندنینگ تشقی ایشلر وزیری هاویستونی ناتوگه اعضالیک جریانینی اداغگه ییتکیزیشی طفیلی تبریک ایتدیک" دیب ایتدی.

فینلندنینگ اعضالیگی طفیلی ناتو قرارگاهیده بوگون اوتکزیله دیگن مراسمده فینلند بیراغی قرارگاه نینگ ایشیگیده جایلشگن متفق اولکه لر بیراقلری آره سیده اورنینی آله دی. شونده ی بولیب فینلند ناتو تشقی ایشلر وزیرلری جلسه سی بولیب اوته دیگن کون 31. اعضا صفتیده قتنشه دی و ناتونینگ برچه حربی و ملکی ساختارلریده اورنینی آله دی.