استانبولده تورک دنیاسی بلدیه لر اتفاقی ییغیلیشی بولیب اوتدی
اوشبو توغریده مذکور اتفاق نینگ باشلیغی بیانات بیردی
استانبولده, تورک دنیاسی بلدیه لر اتفاقی رهبرلیک کینگشی ییغیلیشی بولیب اوتدی.
اوشبو ییغیلیشده تورکیه و دنیا دن کوپلب شهر لرنینگ بلدیه باشلیق لری اشتراک قیلدی.
تورک دنیاسی بلدیه لر اتفاقی نینگ باشلیغی و تورکیه نینگ قونیه شهری بلدیه رئیسی اوغور ابراهیم آلتای, ییغیلیش بیلن علاقه لی بیرگن بیاناتیده, مذکور اتفاق نینگ مقصدی نینگ, تورک تیلیده گپیره دیگن جغرافیه لرنینگ بلدیه رهبریت لری نینگ اشتراکی بیلن خلق ارا بیر بیرلیک نینگ تشکیل ایتیلیشی دن عبارت ایکن لیگینی بیلدیردی.
آلتای, حاضرگی کونده 30 اولکه دن 1200 گه یقین شهر نینگ اوشبو اتفاققه اعضا بولگن لیگی نی معلوم قیلدی.
آلتای, "تورک دنیاسی بلدیه لر اتفاقی اوله راق اینیقسه قرداش شهر مناسبت لری نینگ قوریلیشی و بلدیه لری میز اورته سیده تجربه المه شووی بیلن علاقه لی مهم پروژه لر آلیب بارماقده. بو ییغیلیشده اینیقسه زلزله توغریسیده گی معلومات لر اورتاقله شیلماقده" دییه قید ایتدی.
اوشبو ییغیلیشده تورکیه دن اعضا لردن تشقری, اوزبیکستان, آلبانیا, بوسنیا- هرزگوینا, قیرغزستان, شمالی مقدونیه, لبنان و مغلستان دن باشلیق لر اشتراک قیلدی.
