تورکیه تشقی ایشلر وزیری چاووش اوغلی بیر قطار سوزلشوو اوتکزدی

تورکیه تشقی ایشلر وزیری مولود چاووش اوغلی بیلن بیرلشگن ملتلر تشکیلاتی باش کاتبی انتونیئو گوترش استانبول غله و حبوبات کیلیشووی نینگ اوزه یتیریلیشی حقیده سوزلشدی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده چاووش اوغلی بیلن گوترش نینگ تیلفون آرقه لی سوزلشگن لیگی بیلدیریلدی.

سوزلشووده استانبول غله و حبوبات کیلیشووی نینگ اوزه یتیریلیشی موضوعی قاله ویرسه اوکراینده گی سونگگی ینگیلیکلرنینگ تیلگه آلینگن لیگی قید ایتیلدی.

چاووش اوغلی نینگ عین دمده ناروی تشقی ایشلر وزیری آنیکن هویتفلد بیلن تیلفون آرقه لی سوزلشگن لیگی افاده ایتیلدی.

چاووش اوغلی نینگ آنیکن هویتفلدگه 6 فبروریده یوزبیرگن مرکزی قهرمانمره ش بولمیش ییر سیلکینیشی نینگ آرتیدن کورستگن همکارلیک و بیردملیگی طفیلی منتدارچیلیک بیلدیرگن لیگی معلوم قیلیندی.

سوزلشووده ناتونینگ کینگه یشی، استانبول غله و حبوبات کیلیشووی نینگ اوزه یتیریلیشی، افغانستان و سومالیاده گی ینگیلیکلرنینگ تیلگه آلینگن لیگی بیلدیریلدی.

چاووش اوغلی نینگ عیندمده تونس نینگ ینگی تشقی ایشلر وزیری نبیل عمارنی تبریکلش مقصدی بیلن تیلفون آرقه لی سوزلشوو اوتگن.

چاووش اوغلی بو سوزلشووده تونسلیک کسبداشی گه ییر سیلکینیشی نینگ آرتیدن کورستگن همکارلیک و بیردملیکلری طفیلی منتدارچیلیک بیلدیرگن.