استانبول قونلغه سی دنیا مقیاسیده اینگ یخشی قونلغه لر قطاریده اورین آلدی

استانبول قونلغه سی خلق ارا قونلغه لر کینگشی (ACI World) و سیاحت تکنالوجیسی شرکتی امادوس تامانیدن یولاوچی تجربه سی گه کوره آلیب باریلگن تیکشیرووده دنیا مقیاسیده اینگ یخشی قونلغه لر قطاریده اورین آلدی.

خلق ارا قونلغه لر کینگشی تامانیدن اویوشتیریلگن ASQ پروگرامی پروگرامی دایره سیده 2022 ییلیده دنیا مقیاسیده 465 مینگ کیشیده اوتکزیلگن تیکشیرووده هوا یولی ۀرقه لی سیاحت قیلگن یولاوچیلرگه چیک – این، کیزیش قوله یلیگی، تمیزلیک، سودا – ساتیق و ییمک کبی نرسه لر سوره لگن.

ییلده 40 میلیوندن آرتیق یولاوچی گه میزبانلیک قیلگن دنیا مقیاسیده گی 10 قونلغه قطاریگه تورکیه دن استانبول قونلغه سی اورین آلگن.

شونده ی بولیب استانبول قونلغه سی عیندمده دنیا مقیاسیده اینک کیفیتلی و اینگ تمیز قونلغه لریدن بیرته سی ایتیب تنلنگن.

خلق ارا قونلغه لر کینگشی تامانیدن اویوشتیریلگن تیکشیروو نتیجه سیده تثبیت ایتیلگن مکافاتلر 4-7 سپتامبر تاریخلریده جنوبی کوریانینگ اینجون شهریده ACI Customer Experience Global Summit دایره سیده اویوشتیریله دیگن مراسم آرقه لی بیریله دی.