امریکا قوشمه ایالتلری: بو ییر قیمیرلش فلاکتی برچه دنیاگه سلبی تاثیر قالدیردی
اوشبو مطلب نی امریکا قوشمه ایالتلری تشقی ایشلر وزیرلیگی سوزچیسی تیلگه آلدی
امریکا قوشمه ایالتلری "عصرنینگ فلاکتی" ایتیب اتلگن مرکزی تورکیه نینگ قهرمانمره ش ولایتی بولمیش ییرقیمیرلش حادثه لری نینگ فقط تورکیه بیلن سوریگه گه ایمس برچه دنیاگه تاثیر قالدیرگن لیگینی بیلدیردی.
امریکا قوشمه ایالتلری تشقی ایشلر وزیرلیگی سوزچیسی نید پرایس کونده لیک مطبوعاتی کنفرانسیده زلزله نینگ تصویرلری حقیده «چقور تاثیرلی» ایتیب اته دی.
"ییقیلگنلر و تلفاتلرگه قره گنده بو ییرقیمیرلش فقط تورکیه بیلن سوریگه گه ایمس برچه دنیاگه تاثیر قالدیردی." دیب ایتدی.
امریکا قوشمه ایالتلری نینگ تورکیه بیلن سوریه ده قیدیروو و قوتقروو فعالیتلریگه یاردم بیریش اوچون تجهیزات و منبعلر تامین ایتگن لیگینی قید ایتگن پرایس،
"قیین وضعیتده کیچه – کوندوز تینمه ی ایشله گن انسانی کوره ش گروهی و قوتقروو گروهی نینگ فداکارلیکلرینی تقدیر ایته میز" دیدی.
سوزچی پرایس بیرلشگن ملتلر تشکیلاتی خوفسیزلیک کینگشی نینگ تورکیه دن چیگره دن تشقریگه یاردملرنی ییتکیزیلیشی گه رخصت بیریلیشی قاله ویرسه خلق ارا همجمعیت نینگ سوریه ده ییرقیمیرلش حادثه سیده تاثیرلنگن منطقه لرگه یاردم ییتکیزیب بیریلیشی اوچون کوچلی اورونیش آلیب باریشی اخلاقی بیر مسؤلیتی ایکن لیگینی قید ایتدی.
پرایس "بو سیاسی ایمس انسانی بیر موضوع دیر" دیب کوپراق چیگره دن تشقری یاردم ییتکیزیلیشی نینگ کوپراق حیات قوتقره جگینی معلوم قیلدی و "دنیانینگ تورلی اولکه سی نینگ تورکیه بیلن سوریه نی قوللب – قوتلش اوچون قوللریدن کیلگننی قیلیش گه چقیره میز" دیدی.
