زلزله ده قوله گن بنا نینگ آستیدن 178 ساعت کیین تیریک چیقاریلدی

تورکیه نینگ آدی یمان ولایتیده 6 یاشلی میر آی اسمی گه ایگه باله بیلن هتای ولایتی نینگ انتاکیا تومنیده 70 یاشلی نور آی گوربوز, قوله گن بنا نینگ آستیدن زلزله دن 178 ساعت کیین تیریک چیقاریلدی. 

قیدیرو- قوتقرو تیم لری زلزله دن 177 ساعت کیین انتاکیا ده 26 یاشلی دریا آقدوغان بیلن آدی یمان ده 35 یاشلی بنیامین ایداجی نی تیریک چیقاردی. 

قیرق یاشلی سیبل قایا ناملی بیر عیال کیشی تورکیه نینگ غازی انتیپ ولایتیده قوله گن بنا نینگ آستیدن 170 ساعت کیین تیریک چیقاریلدی. 

آدی یمان ولایتی نینگ بیسنی تومنی ده 60 یاشلی ایره ن گل اوندر 166 ساعت کیین تیریک چیقاریلرایکن, ینه خوددی شوو ولایت نینگ اوزیده 158 ساعت کیین 10 یاشلی بیر باله ساغ قوتقریلدی.

عینی دمده انتاکیاده, 77 یاشلی عمر آتش هم قوله گن تورت قَوَتلی بنا نینگ آستیدن 168 ساعت کیین تیریک چیقاریلدی.