تورکیه ده قیدیرو- قوتقرو تیم لری انسانلرنی تیریک چیقاریش گه حرکت قیلماقده

تورکیه ده 6- فبروریده یوز بیرگن زلزله آرتیدن یوزلب قیدیرو- قوتقرو تیمی بیلن مینگلب کونگیللی کیشی قوله گن بنا لرنینگ تگیده قالگن کیشی لرنی تیریک چیقاریش گه حرکت قیلماقده. 

زلزله دن 101 ساعت اوتیشی اوتیشی گه قره مسدن هتای ولایتی نینگ انتاکیا تومنیده 30 یاشلی حکمت ییگیت تاش, دیاربکر ولایتیده ایسه بیر آنه بیلن اوغلی تیریک چیقاریلدی. 

قهرمان ماراش ولایتیده زلزله دن 99 ساعت سونگ بیر کیشی, هتای ده هم 98 ساعت کیین بیر کیشی و 96 ساعت سونگره بیر چقه لاق قوله گن بنالرنینگ آستیدن تیریک چیقاریب آلیندی. 

هتای ده 10 کونلیک بیر چقه لاق بیلن آنه سی هم زلزله دن تقریباً 90 ساعت کیین قوله گن بنا نینگ تگیدن تیریک چیقاریلدی. 

غازی انتیب ولایتیده قوله گن بنا نینگ تگیده قالگن 17 یاشلی عدنان قورقوت, 94 ساعت کیین تیریک چیقاریب آلیندی.